Шинжлэх ухааны академийн удирдах зөвлөлийн хурал боллоо.

Боловсролын сайдын 2026 оны 06 дугаар сарын 10-ны өдрийн А/150 дугаар тушаалаар Шинжлэх ухааны академийн их сургуулийн Удирдах зөвлөлийн үүсгэн байгуулагчийн төлөөллийг шинэчлэн баталлаа.

Шинэчлэн батлагдсан бүрэлдэхүүнд:

• Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр
• Монгол Улсын Ерөнхийлөгчийн Боловсрол, шинжлэх ухаан, технологийн асуудал хариуцсан зөвлөх Ч.Лодойравсал
• Монгол Улсын Шинжлэх ухааны академийн Ерөнхийлөгч С.Дэмбэрэл
• Боловсролын сайдын зөвлөх П.Оюунаа
• Шинжлэх ухаан, технологийн их сургуулийн ректор Т.Намнан
• Боловсролын яамны Дээд, мэргэжлийн боловсролын газрын дарга Б.Түмэндэлгэр
• Үндэсний шинжлэх ухаан, технологийн сангийн Ажлын албаны дарга Б.Бат-Эрдэнэ
• Шинжлэх ухааны академийн Тэргүүлэгчдийн газрын дарга А.Баярбаатар нарын төр, шинжлэх ухаан, боловсролын салбарын төлөөллүүд багтаж байна.

Тус тушаал нь Боловсролын ерөнхий хууль, Дээд боловсролын тухай хууль болон холбогдох журам, эрх зүйн зохицуулалтын хүрээнд гарсан бөгөөд удирдах зөвлөлийн үйл ажиллагааг боловсронгуй болгох, чиг үүргийн хэрэгжилтийг хангах зорилготой юм.

Хурлын үеэр удирдах зөвлөлийн шинэ бүрэлдэхүүний үйл ажиллагааны чиглэл, цаашдын зорилт, хэрэгжүүлэх арга хэмжээний талаар санал солилцож, их сургуулийн хөгжил, сургалт, судалгааны чанарыг дээшлүүлэхэд хамтран ажиллах талаар хэлэлцлээ.

Шинэ бүрэлдэхүүнтэйгээр үйл ажиллагаагаа эхлүүлж буй Удирдах зөвлөл нь сургалт, эрдэм шинжилгээ, инновацын хөгжлийг дэмжих, их сургуулийн засаглалыг бэхжүүлэхэд чухал үүрэг гүйцэтгэх юм.