2026 оны 06 дугаар сарын 22–23-ны өдрүүдэд “Monshep” төслийн хүрээнд Сайнцагаан сумын тариаланчдын төлөөлөлтэй уулзалт, сургалт, зөвлөгөөнийг төслийн багийнхантай хамтран зохион байгууллаа.
Арга хэмжээний үеэр компостын тухай онолын мэдлэг олгохын зэрэгцээ компост бэлтгэх практик ажил хийж, түүхий эдийн зөв сонголт, давхарлан хураах арга, чийг болон агааржилтыг тохируулах, ашиглалтын ач холбогдлын талаар мэргэжил, арга зүйн зөвлөгөө өглөө.
Мөн компостыг хөрсний үржил шимийг сайжруулах, органик бодисын агууламжийг нэмэгдүүлэх, байгальд ээлтэй тариалан эрхлэхэд үр ашигтайгаар ашиглах талаар оролцогчидтой санал солилцож, туршлага хуваалцан ажиллав.
Хөрсний эрүүл мэндийг хамгаалж, тогтвортой газар тариалангийн хөгжлийг дэмжицгээе.
Эх сурвалж: Дундговь аймгийн Хүнс, хөдөө аж ахуйн газар
