Эрүүл хооллолтын үндсэн зарчим

Эрүүл хооллолт нь:

1. Хангалттай байх – бие махбодод шаардлагатай бүх шим тэжээлийг хангах.
2. Тэнцвэртэй байх – авсан илчлэг болон зарцуулсан илчлэг тэнцүү байх.
3. Хэмжээтэй хэрэглэх – эрүүл мэндэд сөрөг нөлөөтэй хүнсийг хэтрүүлэхгүй байх.
4. Олон төрөлтэй байх – төрөл бүрийн шим тэжээлтэй хүнс хэрэглэх.

Нүүрс ус

• Өдрийн нийт илчлэгийн 45-75 хувь нь нүүрс уснаас бүрдэх нь зохистой.
• Бүхэл үр, хүнсний ногоо, жимс, буурцагт ургамлыг түлхүү хэрэглэх хэрэгтэй.
• 10-аас дээш насныхан өдөрт 400 граммаас доошгүй жимс, хүнсний ногоо хэрэглэхийг зөвлөж байна.
• Өдөрт 25 грамм эслэг авах хэрэгтэй.

Сахар

• Чөлөөт сахарын хэрэглээ нь нийт илчлэгийн 10 хувиас бага, боломжтой бол 5 хувиас бага байх ёстой.
• Чихэрлэг ундаа, боловсруулсан хүнсний хэрэглээг багасгах хэрэгтэй.

Өөх тос

• Өдөрт авах нийт илчлэгийн 30 хувиас ихгүй нь өөх тос байхыг зөвлөж байна.
• Ханаагүй тос (загас, самар, чидун тос гэх мэт)-ыг түлхүү хэрэглэнэ.
• Транс тос болон ханасан өөх тосны хэрэглээг багасгах хэрэгтэй.

Уураг

• Өдөрт авах нийт илчлэгийн 10-15 хувь нь уургаас бүрдэх нь хангалттай.
• Уургийг амьтны болон ургамлын гаралтай хүнснээс хослуулан авах нь зүйтэй.

Давс

• Насанд хүрэгчид өдөрт 5 граммаас бага давс хэрэглэх ёстой.
• Давс ихтэй боловсруулсан хүнсний хэрэглээг бууруулах хэрэгтэй.

Витамин, эрдэс бодис

• Жимс, ногоо, бүхэл үр, буурцаг, самар, өөх багатай мах зэрэг олон төрлийн хүнс хэрэглэх нь амин дэм, эрдсийн хэрэгцээг хангана.

Нярай, бага насны хүүхэд

• Хүүхдийг эхний 6 сар зөвхөн эхийн сүүгээр хооллох.
• Хөхүүлэлтийг 2 нас хүртэл болон түүнээс дээш хугацаанд үргэлжлүүлэх.
• 6 сартайгаас нь шим тэжээлтэй нэмэгдэл хоол өгөх.

ДЭМБ-ын зөвлөмж

Засгийн газар, хүнсний үйлдвэрлэгчид болон иргэд хамтран:

• Эрүүл хүнсний хүртээмжийг нэмэгдүүлэх,
• Давс, сахар, өөх тос ихтэй боловсруулсан хүнсний хэрэглээг бууруулах,
• Хүүхдийг эрүүл хооллолтод сургах,
• Хүнсний шошго, мэдээллийг сайжруулах шаардлагатай гэж үзжээ.