Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр үндэсний үйлдвэрлэгч “Mongolian Goat Cashmere” брэндийн үйлдвэрлэлийн үйл ажиллагаатай танилцаж, “Эм Жи Кашмир Групп” ХХК-ийн үйлдвэрт ажиллалаа.

Тэрбээр ажиллах үеэрээ Монгол ямааны ноолуурыг эцсийн бүтээгдэхүүн болгон боловсруулах үйлдвэрлэлийн үйл явц, бүтээгдэхүүн хөгжүүлэлт, сүлжмэл болон оёдлын үйлдвэрлэлийн технологи, хүүхэд болон өдөр тутмын хэрэглээнд зориулсан бүтээгдэхүүний онцлогтой танилцлаа.

“Эм Жи Кашмер” ХХК нь 2007 оноос ноолуурын үйлдвэрлэлийн чиглэлээр үйл ажиллагаа явуулж, өдгөө “Mongolian Goat Cashmere” брэндээрээ Монгол ямааны ноолуурын эцсийн бүтээгдэхүүнийг дотоодын болон гадаадын зах зээлд нийлүүлэх зорилготой ажиллаж байна. Тус компани үйлдвэрлэлийн технологио хөгжүүлэх хүрээнд 2011 онд бүрэн автомат сүлжмэлийн тоног төхөөрөмж нэвтрүүлснээр гар ажиллагаанаас технологид суурилсан үйлдвэрлэл рүү шилжсэн түүхтэй.

Тус брэндийн онцлог нь ноолуурыг зөвхөн уламжлалт тансаг хэрэглээний бүтээгдэхүүн бус, өдөр тутам өмсөж хэрэглэх биед эвтэйхэн бүтээгдэхүүн болгон хөгжүүлэхэд чиглэж буй явдал юм. Ялангуяа нярай болон хүүхдэд зориулсан ноолууран боди, оймс, малгай, бээлий, майк зэрэг бүтээгдэхүүн үйлдвэрлэж, бүтээгдэхүүний загвар, тав тух, хэрэглээний онцлогт анхаарч байна.

“Mongolian Goat Cashmere” брэндийн үйлдвэрлэлийн үйл ажиллагаа нь Монголын үнэт түүхий эд болох ноолуурыг илүү өндөр нэмүү өртөгтэй бүтээгдэхүүн болгон боловсруулах, дотоодын үйлдвэрлэлийг хөгжүүлэх, үндэсний брэндийг бэхжүүлэх зорилтыг чиглэдэг.

Ч.Даваабаяр: Ноолуурын салбарт өрсөлдөх чадварыг нэмэгдүүлэхэд зөвхөн түүхий эд хангалтгүй бөгөөд орчин үеийн тоног төхөөрөмж, бүтээгдэхүүний дизайн, шинэ технологи, зах зээлийн эрэлтэд нийцсэн үйлдвэрлэл чухал байр суурь эзэлдэг. “Mongolian Goat Cashmere” брэнд үйлдвэрлэлээ сайжруулж, шинэчлэн, дэвшилтэд тоног төхөөрөмжийг тухай бүрт нэвтрүүлж байгаа нь сайшаалтай.

Дашрамд дуулгахад тус брэнд нь хичээл сургуулийн үйл ажиллагаа эхэлж байгаатай холбогдуулан бүтээгдэхүүндээ 30 хүртэлх хувийн хямдрал зарласан байна.

Тухайлбал:

• Цахилгаантай зүрхтэй цамц – 299,000 төгрөгөөс 209,300 төгрөг
• Цахилгаантай алаг цамц – 329,000 төгрөгөөс 230,300 төгрөг
• Алаг майк – 99,000 төгрөгөөс 69,300 төгрөг

Мөн нярайн боди 389,000–429,000 төгрөг, бэлгийн багц 129,000 төгрөг, нярайн оймс 49,000 төгрөг, бээлий 39,000 төгрөг, малгайнууд 59,000–139,000 төгрөгийн үнэтэйгээр худалдаалагдаж байна.

Монголын ноолуур бол дэлхийн зах зээлд өрсөлдөх томоохон боломж. Харин энэ боломжийг бүрэн ашиглахын тулд түүхий эд экспортлохоос илүүтэйгээр дотооддоо боловсруулж, технологи шингээж, эцсийн бүтээгдэхүүн болгон дэлхийн зах зээлд гаргах нь салбарын хөгжлийн гол чиглэл болж байна.