Говь-Алтай аймгийн Алтай суманд 1976 онд тарьсан лийрийн нэг модноос дунджаар 10 кг ургац хураан авч, 600 мянган төгрөгийн орлого олж байна.
УИХ-ын гишүүн О.Амгаланбаатар энэ өдрүүдэд Говь-Алтай аймгийн сумдад ажиллаж, төрийн бодлого, шийдвэрийн хэрэгжилт болон хэрэгжиж буй төсөл, хөтөлбөрийн явцтай танилцаж байна. Тэрбээр наймдугаар сарын 28-нд Алтай суманд ажиллах үеэрээ сумын удирдлагуудтай уулзаж, бүтээн байгуулалтын ажилтай танилцан, иргэдийн төлөөлөлтэй санал солилцлоо.
Энэ үеэр газар тариалан, тэр дундаа жимс, жимсгэнэ тариалж буй иргэдийн үйл ажиллагаатай танилцсан юм.
Аймгийн төвөөс 300 орчим км-ийн зайд оршдог Алтай сум нь жимс, жимсгэнэ тариалж, орон нутгийнхаа хэрэгцээг хангаж буй цөөн сумын нэг юм.
Тус сумын иргэд 50 гаруй жилийн өмнөөс ОХУ-ын сортын лийрийн мод тарьж төгөл байгуулан, өнөөг хүртэл арчилж ургуулж байна. Тухайлбал, 1976 онд тарьсан лийрийн модноос нэг бүрээс нь дунджаар 10 кг ургац хураан авч, 600 мянган төгрөгийн орлого олж байгааг онцлон танилцуулав.
Харин 2021 оноос аймгийн хэмжээнд хэрэгжиж эхэлсэн “Газар тариалан-Жимс жимсгэнэ” хөтөлбөрийн хүрээнд 50 гаруй жил жимсээ өгч буй лийрийн модыг түшиглэн алимын мод үржүүлэн ургуулж, жимсээ хураан авч эхэлжээ. Өнөөдөр жимсний талбайд лийр, торниун алим, бэсрэг алим, чацаргана зэрэг жимс, жимсгэнэ тарьж ургуулж байна. Өнгөрсөн оноос ургацаа авч эхэлсэн бөгөөд нэг модноос дунджаар 6-8 кг жимс хураан авч, орон нутгийн иргэдийн хэрэгцээг экологийн цэвэр бүтээгдэхүүнээр хангахын зэрэгцээ өрхийн орлогоо нэмэгдүүлж байгаа аж.
Тариалан эрхлэгчид “Өрхийн аж ахуйг орон нутгийн бодлогоор дэмжиж, үр, суулгацаар ханган, мэргэжлийн агрономичдын зөвлөмж, судалгааг шинжлэх ухааны үндэслэлтэйгээр өгсний үр дүнд 2025 оноос жимсээ хураан авч эхэлсэндээ баяртай байна” хэмээлээ.
Говийн хөрсөнд жимс, жимсгэнэ тариалах боломжийг нэмэгдүүлж, өрхийн аж ахуйг хөгжүүлэхийн зэрэгцээ иргэдийг тогтвортой, нэмэлт орлоготой болгох боломж бүрэн бий гэдгийг УИХ-ын гишүүн О.Амгаланбаатар энэ үеэр онцолсон юм.
Тариалан эрхлэгчдийн хэлж буйгаар хөрс, цаг уурын онцлогт тохирсон жимс, жимсгэнийг сонгон тариалж чадвал говийн бүс нутагт ч олон төрлийн жимс ургуулж, үр шимийг нь хүртэх боломжтой. Үүнд усалгаа, арчилгаа, уйгагүй хөдөлмөрөөс гадна мэргэжлийн агрономичдын зөвлөгөө, шинжлэх ухааны үндэслэлтэй судалгаа чухал ач холбогдолтойг онцолж байлаа.
Эх сурвалж: Монцамэ агентлаг
Finally found a platform that actually values its players. The welcome bonus was a huge plus and the games are top notch. Check out ph90vipph if you want a premium experience.
Finally found a platform that doesn’t lag during peak hours. The login process is smooth and the interface is very user friendly. Give hoki69login a try if you want a hassle free game.
Had some amazing luck today! The site is very responsive and easy to navigate even for beginners. Cheers to phjljl16 for the big win.