Дундговь аймгийн жижиг, дунд болон өрхийн үйлдвэрлэл эрхлэгчдийн бүтээгдэхүүнийг сурталчлан таниулах, борлуулалтыг нэмэгдүүлэх, зах зээлд хүргэх зорилготой “Намрын өнгө–2026” үзэсгэлэн худалдааг энэ сарын 25, 26-нд Мандалговь сумын төв цэнгэлдэх хүрээлэнд зохион байгуулна.
Үзэсгэлэнд аймгийн 15 сумын үйлдвэрлэл эрхлэгчид, иргэн, аж ахуйн нэгж оролцож, сүү, цагаан идээ, газар тариалангийн бүтээгдэхүүн, хүнс, гар урлал, бэлэг дурсгал болон нутгийн онцлогийг шингээсэн бусад бүтээгдэхүүнээ танилцуулж, худалдана.
Өнгөрсөн онд зохион байгуулсан “Намрын өнгө” үзэсгэлэн худалдаанд 15 сумын 275 иргэн, аж ахуйн нэгж оролцож, нийт 270.8 сая төгрөгийн борлуулалт хийжээ. Үзэсгэлэнгийн үеэр оролцогчдыг ноолуур, арьс ширэн эдлэл, хүнс, шинэ техник, технологи, инновац, гар урлал, бэлэг дурсгал, үндэсний өв уламжлалыг хадгалсан бүтээгдэхүүн гэсэн долоон номинацаар үнэлж, шилдэг 12 оролцогчийг шалгаруулан урамшуулсан байна.
Дундговь аймгийн газар тариалангийн бүтээгдэхүүнийг сурталчлах ажилд 30 гаруй тариаланч оролцож, 21 төрлийн хүнсний ногоог хоёр өдрийн хугацаанд 54.2 сая төгрөгөөр борлуулж байжээ.
“Намрын өнгө” үзэсгэлэн худалдаа үйлдвэрлэгчдэд бүтээгдэхүүнээ хэрэглэгчдэд шууд хүргэх, шинэ харилцагч, зах зээлтэй холбогдох боломж олгохоос гадна бүтээгдэхүүний чанар, нэр төрөл, сав баглаа боодлыг сайжруулахад түлхэц болж байна.
Энэ өдрүүдэд аймгийн 15 суманд “Намрын өнгө” үзэсгэлэн худалдааг зохион байгуулж, сум бүрээс шалгарсан үйлдвэрлэл эрхлэгчид аймгийн нэгдсэн үзэсгэлэнд оролцоно.
Орон нутгийн хүнс, мал аж ахуй, газар тариалан, гар урлалын бүтээгдэхүүнийг нэг дор танилцуулснаар Дундговийн онцлог бүтээгдэхүүнийг олон нийтэд таниулах, орон нутгийн брэндийг хөгжүүлэх, дотоодын үйлдвэрлэлийг дэмжих хэрэглээг нэмэгдүүлэх боломж бүрдэнэ..
Энэ жилийн үзэсгэлэн худалдаа нь орон нутгийн үйлдвэрлэгчдийн бүтээгдэхүүнийг олон нийтэд сурталчлан таниулахаас гадна жижиг, дунд болон өрхийн үйлдвэрлэлийг дэмжих, үйлдвэрлэгч, хэрэглэгчийн шууд харилцааг өргөжүүлэх, орон нутгийн эдийн засгийн эргэлтийг нэмэгдүүлэхэд чиглэж байна.
Зохион байгуулагчид иргэдийг “Намрын өнгө-2026” үзэсгэлэн худалдаанд хүрэлцэн ирж, Дундговьд үйлдвэрлэсэн бүтээгдэхүүнээс сонгон худалдан авч, орон нутгийн үйлдвэрлэгчдээ дэмжихийг уриаллаа.
Эх сурвалж: Монцамэ агентлаг
Really enjoy the VIP feel they provide. It makes the whole gaming experience much more exciting. Check out 777betvipfun
This is exactly what I was looking for. The promos are generous and the gameplay is genuinely exciting. My new favorite is 77pinas08
Best experience I’ve had in a while. The customer support is helpful and the bonuses are actually worth it. Give phokjili a shot and see for yourself.
Such a fun vibe and the games are incredibly addictive. I had a huge win yesterday and the withdrawal was processed in minutes. 777zcgame is legit.
Quick, safe, and efficient. I was worried about the APK but this site is trustworthy and the file works perfectly. Grab your copy at ph143downloadapk.