Ховд аймагт мал нядалгааны есөн үйлдвэр, мал, мах бэлтгэн нийлүүлдэг дөрвөн аж ахуйн нэгж үйл ажиллагаа явуулж байна.
Одоогийн байдлаар мал, мах бэлтгэлийн үйлдвэрүүд амьд малыг тарга хүч, нас, төрлөөс нь шалтгаалан 180 мянгаас 4 сая гаруй төгрөгөөр худалдан авч байгаа ажээ.
Тодруулбал, хонь 250-500 мянга, ямаа 180-400 мянга, үхэр 2-4.5 сая, тэмээ 2.5-3.5 сая, адуу 2-3 сая төгрөгийн үнэтэй байна.
Харин аймгийн төвийн зах, жижиглэн худалдаанд үхрийн цул мах нэг кг нь 30 мянга, ястай мах 27 мянган төгрөгийн үнэтэй байна. Адууны махыг 18 мянга, хонины цул махыг 27 мянга, ястай махыг 24 мянга, ямааны цул махыг 25 мянга, ястай махыг 23 мянган төгрөгөөр тус тус борлуулж байна.
Ийнхүү аймгийн хэмжээнд махны үнэ өмнөх долоо хоногийнхоос нэг кг тутамд 1000-2000 төгрөгөөр нэмэгджээ.
Эх сурвалж: Монцамэ агентлаг
