Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд УИХ-аас “Хүнсний хангамж аюулгүй байдлыг хангах талаар авах зарим арга хэмжээний тухай” тогтоолыг баталсан. Тэгвэл “Хүнсний хангамж аюулгүй байдлын талаар авах зарим арга хэмжээний тухай” УИХ-ын 36-р тогтоолыг хэрэгжүүлэх арга хэмжээний төлөвлөгөөний хүрээнд талаар Байгаль орчин, аялал жуулчлалын дэд сайд Г.Түвдэндорж Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяртай уулзаж санал солилцлоо.
Байгаль орчин, аялал жуулчлалын дэд Г.Түвдэндорж “Эрүүл хүнс ургуулахад эрүүл хөрсөн дээр тарьж, эрүүл хүнсийг ургуулах ёстой. Ингэснээр Монгол хүний эрүүл хүнс хэрэглэх хэрэгцээ шаардлага хангагдана” гэдгийг онцолж монгол орны газар нутгийн 80 орчим хувийг хамраад байгаа цөлжилтийг сааруулах чиглэлд нэгдэж хамтарч ажиллахаа хэллээ.
Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Байгаль орчин, аялал жуулчлалын дэд сайд Г.Түвдэндоржид “Хүнсний хангамж аюулгүй байдлыг хангах талаар авах зарим арга хэмжээний тухай” УИХ-ын тогтоолын төслийг гардуулж “Төрийн байгууллагын уялдаа холбоог сайжруулах чиглэлд идэвхтэй хамтран ажиллана. Мөн Ерөнхийлөгчийн санаачилсан Хүнсний хувьсгал, Тэрбум мод хөдөлгөөнүүд зайлшгүй уялдаа холбоотой хэрэгжих ажил юм” гэдгийг онцоллоо.
Уг тогтоолыг 20 гаруй төрийн байгууллага хамтран хэрэгжүүлэхээс Байгаль, орчин аялал жуулчлалын яам дараах 2 чиглэлд 5 ажил, арга хэмжээг хэрэгжүүлэх юм.
Үүнд:
Хүнс хөдөө аж ахуй, хөнгөн үйлдвэрийн салбарын эрх зүйн орчныг сайжруулах чиглэлд:
Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төслийг боловсруулж, Улсын Их Хуралд өргөн мэдүүлэх,
Газар тариалангийн үйлдвэрлэлийн чиглэлд:
-“Тэрбум мод” үндэсний хөдөлгөөнийг хэрэгжүүлэх бодлого, үйл ажиллагааны хүрээнд аймгийн төвд 30 гектар, сумын төвд 10 гектар агро ойн аж ахуйг тус тус байгуулах,
Жимс, жимсгэнийн суулгац үржүүлгийн төв, цэцэрлэгийн аж ахуйг хөгжүүлэх, тариалангийн талбайг хашаажуулж ойн зурвас байгуулах,
Тариалангийн талбайд ойн зурвас байгуулах, Жимс, жимсгэнийн төрөлжсөн аж ахуй байгуулах, санхүүжилт, урамшууллын тогтолцоог бүрдүүлэх, судалгаа шинжилгээний ажлыг өргөжүүлэх, тариалах технологи боловсруулах,
Аймаг, суманд агро ойн аж ахуйг байгуулж, хүнсний хангамжийг сайжруулах, экспортыг нэмэгдүүлэхээр уих-ын 36-р тогтоолоор баталсан.
