UNIDO
2022 оны 10-р сарын 05-ны өдөр Венад болсон реформын үеэр НҮБ-ын Аж үйлдвэр хөгжлийн байгууллагын захирал Герд Мюллер гишүүддээ бичсэн захидалдаа Ковид-19 цар тахал, уур амьсгалын өөрчлөлт, олон улсын хүнс болон эрчим хүчний хямрал сорилтуудад НҮБ-ын мэргэшсэн агентлагуудыг анхаарал хандуулан бэлтгэлтэй байхыг уриалжээ.
Мюллер эдгээр сорилтууд нь ‘’Амьжиргааны түвшин доогуур өрхүүдэд хүнд тусахаар байна’’. Иймд ‘’Бид эв нэгдэлтэй, илүү нягт хамтын оролцоотой байх хэрэгтэй’’ хэмээв.
Тэрээр мөн тайлбарлахдаа НҮБ-ын Ерөнхий нарийн бичгийн дарга Антонио Гутерришийн өнөөгийн олон улсын сорилтуудад шинэлэг, инновацтай хариу үйлдэл хэрэгжүүлэх төлөөлөл нь НҮБ-ын Аж үйлдвэр хөгжлийн байгууллагын гишүүн орнууд хэмээжээ.
Ажилчдын судалгаа, гишүүдийн судалгаа, зөвлөгөөнүүд, хөндлөнгийн аудитын санал зөвлөмжүүд болон бие даасан байгууллагын үнэлгээнд суурилан энэ удаагийн реформын гол зорилгыг гаргаж ирсэн байна. Ингэхдээ, гишүүдийн давуу байдал болон хэрэгцээ шаардлагад нийцүүлж, НҮБ-ын Аж үйлдвэр хөгжлийн байгууллагын байр суурийг бататгах болон орчин үеийн шинэчлэлийг авчрах нь зорилго хэмээлээ.
Реформд чиглэгдсэн асуудлууд:
• НҮБ-ын Аж үйлдвэр хөгжлийн байгууллагын санхүүгийн хүндрэлтэй нөхцөл байдлыг үр дүнтэй болгоход анхаарлаа хандуулах, үйл ажиллагааны зардлыг бууруулах, дотоодын процессыг сайжруулах
• Өнөөгийн сорилтуудад хариу үйлдэл хийхдээ гишүүдийн онцлон тэмдэглэсэн стратегиудад илүүтэйгээр анхаарал хандуулах
• Шинэ хамтран ажиллагсад:Уламжлалт бус хандивлагчид, хувийн хэвшлийн төлөөллүүд болон санхүүгийн байгууллагууд
• Залуу болон мотивацитай мэргэжилтнүүдийн карьер хөгжилд шинэ боломжуудыг бий болгох дээр анхаарал хандуулах
Мюллер ‘’шинэ’’ НҮБ-ын Аж үйлдвэр хөгжлийн байгууллагын тодотгол нь ‘’орчин үеийн’’ гэсэн тодотголтой байна хэмээв. Мөн байгууллага нь танасан, үр бүтээмжтэй байгууллага байхаа амлая гэв. ‘’Инновацаар ахиц дэвшлийг авчирна’’ шинэ уриа үгтэй болохоо онцлон хэлэв.
Мөн тэр бээр хэлэхдээ ‘’Бидэнд хангалттай мэдлэг туршлага болон технологи байна. Бидэнд тэдгээрийг өнөөгийн олон улсын сорилтуудыг давахад ашиглах шийдэмгий улс төрчид хэрэгтэй байна.’’ хэмээлээ.
Эх сурвалж: https://www.unido.org/news/director-generals-reforms-make-unido-organization-fit-future
