Монгол Улсын Ерөнхийлөгч У.Хүрэлсүхийн санаачлан эхлүүлсэн “Хүнсний хангамж, аюулгүй байдал” үндэсний хөдөлгөөн нийслэл Улаанбаатар хотод нээлээ. Тус арга хэмжээнд хүнс, хөдөө аж ахуйн салбарын эрдэмтэн судлаачид, төрийн албан хаагчид, үйлдвэрлэл эрхлэгчид, газар тариалан, мал аж ахуйн салбарын төлөөлөл 1200 гаруй зочин, төлөөлөгч оролцов. Мөн энэ үеэр хөдөө аж ахуйн чиглэлээр үйлдвэрлэл эрхлэгч, хүнс үйлдвэрлэгч үндэсний компаниуд бүтээгдэхүүнийхээ дээжээс олон нийтэд танилцуулав.
Тус үйл ажиллагааг нээж Монгол Улсын Ерөнхийлөгч Ухнаагийн Хүрэлсүхийн мэндчилгээг Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр уншиж танилцуулан, Нийслэлийн Засаг дарга Д.Сумъяабазарт гардууллаа.
Нээлтийн үеэр Нийслэлийн удирдлагууд ирэх 5 жилийн хугацаанд хүнсний хангамж, аюулгүй байдлыг сайжруулах, нийслэлийн хүн амыг хүнсний гол нэрийн 19 төрлийн бүтээгдэхүүнээр хангах талаар баримталж буй бодлогыг иргэд, олон нийтэд танилцуулсан юм.
Хүн амын хүнсний гол нэрийн 19 төрлийн бүтээгдэхүүний зохистой хэрэгцээг 2021 оны байдлаар тооцож үзвэл, нийслэлийн иргэд жилд 54.3 мянган тонн малын мах, 18.1 мянган тонн шувууны мах, 72.4 мянган тонн сүү, 81.4 мянган тонн сүүн бүтээгдэхүүн, 45.2 мянган тонн гурил, 81.4 мянган тонн гурилан бүтээгдэхүүн, 54.3 мянган тонн төмс, 117.6 мянган тонн хүнсний ногоо, 9 мянган тонн өндөг, 10.4 мянган тонн ургамлын тос, 4.6 мянган тонн цөцгийн тос хэрэглэдэг. Эдгээрээс мах, гурил, төмсийг 100 хувь дотоодоос хангаж байгаа бөгөөд сүү, сүүн бүтээгдэхүүн, хүнсний ногоо, өндөгний хангамжийг нэмэгдүүлэх шаардлагатай байна. Харин ургамлын тос, давс, цөцгийн тос, тахианы мах, хүлэмжийн ногооны хангамж импортоос шууд хамааралтай бөгөөд сүүн бүтээгдэхүүн, ургамлын тос, давсны үйлдвэрлэлийг дотоодоос хангах боломж байгааг зохион байгуулагчид хэлж байлаа.
Нийслэл Улаанбаатар хотод нийт хүнс боловсруулах 600 гаруй үйлдвэрийн 15,000 гаруй ажилтан, газар тариалангийн салбарын 120 гаруй аж ахуйн нэгжид ажиллаж буй 2800 гаруй иргэн, тариаланч, эрчимжсэн мал аж ахуйг уламжлалт соёлтойгоо уялдуулан хөгжүүлж буй 5000 гаруй өрх, 300 гаруй фермер эрхлэгчид байдаг. Нийслэл хотыг төдийгүй Монгол Улсыг 19 нэр төрлийн хүнсний бүтээгдэхүүнээр хангахад эдгээр хүмүүсийн идэвх, оролцоо чухал. Иймд үйлдвэрлэгч, баялаг бүтээгчдээ бодлогоор дэмжихээ нийслэлийн удирдлагууд илэрхийллээ. Үүнээс гадна нийслэлийн иргэдийн хүнсний хангамжийг нэмэгдүүлэхийн тулд орон нутагтай хамтран ажиллана гэв.
Ерөнхийлөгч У.Хүрэлсүх цаг үеэ олсон, зөв зүйтэй санаачлага гаргаж, хүнсний хувьсгалыг уриалан хэрэгжүүлэх болсонд баяртай байна. Хүнсний хувьсгалын хөтөлбөрийг дэмжиж санал өгөхөд хөтөлбөрийг А бүлэг гээд, хөдөө орон нутагт хэрэгжүүлэх Б хөтөлбөрийг Аймаг бүрт 300 сая төгрөг төлөвлөөд нэг шинэ зүйлийг хүнсний хувьсгалаар бий болгохоор зүйлчилээд 50 хувийг нь орон нутгаас гаргахаар төлөвлөвөл бүх нутгийг хамарч , улсын төсөвт нэг их нэрмээс болохгүй. Хотод 1,6 сая хүн амьдардагч түүнээс хөдөө орон нутгийн бүртгэлтэй нөхөд олон тул сонгуульд хөдөө орон нутагт авч хэрэгжүүлсэн ажил сайн байх шаардлагатай. 2-рт: Цахимаар олгосон газруудыг 2025 он хүртнл цахилгаантай болгох ажлыг шуурхайлан хийж, цахимаар газар олгосон нэг газарт зээлээр байшин барьдаг нэг компанийг сонгох замаар компаниудыг сонгож, тэдгээр газруудад бүртгэлтэй айл өрх бүрээс хүсэлт авч 10 жилийн хугацаанд төлөгдөхөөр зээлээр 1 газарт ижил загварын байшин барьж өгөх хөдөлгөөнийг 2025-2035 онуудад авч хэрэгжүүлбэл хүнсний хувьсгалд дурьдагдсан дагуул төвлөрсөн хотууд нь өөрийн гэсэн өнгө төрх загвартай сайхан хотууд улсаас мөнгө санхүү гаралгүйгээр босох ашиг тустай, манай улсын эдийн засаг, хөгжилд томоохон түлхэц болсон ажил болно. Цахимаар олгосон газруудыг цахилгаантай болгож, зээлээр байшин барьж өгснөөр УБ хотын автозамын түгжрэл 60-70 хувь, агаарын бохирдол 40-50 хувь багасах ач тустайгаас гадна айл өрхүүд 2 газар амьдардаг болсноор манай улсын хүнсний борлуулалтанд асар ихээр нөлөөлж борлуулалтын орлого 70-80 хувьиар нэмэгдэж, улсын төсвийн эргэн бүрдэлтэнд сайнаар нөлөөлнө. Хотод шигдэн халамжаар амьдрагч иргэд хот, цахимаар олгогдсон газар гэсэн хосломол орчинд амьдарах болсноор өөрсдийгөө ажил бизнестэй болж, хэрэгцээ өсснөөр тэдгээр газруудад үйлчилгээ шинээр бий болно.
3-р хүсэлт Хүнсээр и баримт үүсгэснээ залруулж 11-р сард дахин и баримт үүсгэсэн тул хугацаа хоцорч урамшуулалаас хоцрох болоод байгаа тул хүнсний ногоо тариалагчдад олгох урамшуулалыг 11-р сарыг хамруулж олгож өгнө үү.