Тогтвортой хүнсний системийн олон улсын шинжээчдийн зөвлөл (IPES-Food) дэлхийн хүнсний аюулгүй байдал, өрийн хямралын талаар түгшүүр зарласан тусгай тайлан гаргажээ. Тус тайланд 349 сая хүн өлсгөлөнд нэрвэгдээд байгаа бөгөөд хүнсний үнэ түүхэн дээд хэмжээндээ хүрээд байна мөн улс орнууд өрийн төлбөрөө төлж чадахгүй байгаатай холбогдуулан улс орнууд өлсгөлөнд нэрвэгдэнэ гэж тэмдэглэжээ.
Ковид-19 тахал болон Украинд Оросын түрэмгийлэл сүүлийн хоёр жилд хүнсний бүтээгдэхүүний үнийн өсөлтөд нөлөөлсөн.
“Хэдийгээр сүүлийн саруудад хүнсний үнэ бага зэрэг буурсан ч өрийн хямралын үр дагавар юу болохыг тааварлашгүй байнахүнсний бүтээгдэхүүний үнийн инфляци нийт инфляциас өндөр хэвээр байгаа нь бидний сэтгэлийг зовоож байна.” гэж Онтариогийн Ватерлоогийн Их Сургуулийн Дэлхийн хүнсний аюулгүй байдал, тогтвортой байдлын Канадын судалгааны дарга Женнифер Клапп хэлэв.
Мөн бага, дунд орлоготой орнууд өрийн хямрал улам даамжирч байна гэж мэдэгджээ. Бага орлоготой орнуудын 60 хувь нь, дунд орлоготой орнуудын 30 хувь нь өр төлбөрөө төлөхгүй байх өндөр эрсдэлтэй байгааг тогтоожээ. Мэдээллийн дагуу Замби, Шри Ланка, Суринам аль хэдийн өрийн төлбөрөө төлж чадахгүй байдалд хүрч дефолт зарласан байна. Үүний зэрэгцээ Гана, Пакистан зэрэг улс орнууд дефолт зарлах эрсдэлтэй байна.
Нэмж дурдахад нийгмийн үйлчилгээ болон дотоодын хөдөө аж ахуйн үйлдвэрлэлээс хэдэн арван жил татгалзсан нь дээрх сорилтуудыг улам бүр дордуулж байна. Хүнсний үнэ өсч, уналтад орсноор тариаланчид томоохон корпорацуудтай өрсөлдөх чадваргүй болдог. Түүнчлэн, уур амьсгалын хямрал улам хурцдаж байгаа нь зах зээлд тодорхойгүй байдлыг нэмэгдүүлж, ургац хураах үйл явцад хүндрэл учруулж, тариаланчдын өрийн төлбөрийг улам гүнзгийрүүлж байна.