Норвеги улсын Засгийн Газар 18 наснаас доош насны хүүхдүүдэд чиглэсэн эрүүл мэндэд хортой гэж үзсэн хоол, хүнс, ундааны зар сурталчилгааг хориглох шийдвэр гаргажээ. 2023 оны 5-р сард анх уг санаачлага нь тус улсын Эрүүл мэндийн судалгааны төсөлд дурдагдсан ба 2023 оны 06 сарын 2-ны өдөр тус шийдвэрийг Норвеги улсын парламентын олонхи хууль тогтоох байгууллагууд дэмжсэн байна. Хүүхдэд зориулсан эрүүл бус хүнсний бүтээгдэхүүний сурталчилгааг хориглох заалт нь ирэх оноос хүчин төгөлдөр хэрэгжиж эхлэх ба энергийн ундааны хэрэглээг хязгаарлах тухай хууль батлагдах аж. Ирэх оны эхээр 16-аас доош насны хүүхдүүдэд энергийн ундаа худалдахыг хориглохоос гадна түргэн хоолны хэрэглээний хязгаарлалтыг мөн хэрэгжүүлэх аж. Гэвч хууль тогтоомжийн хүрээнд эрүүл бус хоол хүнсний тодорхойлолтод ямар хүнсийг эрүүл мэндэд хортой гэдгийг тодорхойлсон заалт өнөөдрийг хүртэл байхгүй байна.
“Хүүхдийн хооллолт, эрүүл зан үйлиийг төлөвшүүлэхэд зар сурталчилгаа чухал нөлөө үзүүлдэг”
Тус улсын Нийгмийн эрүүл мэндийн үндэсний холбооны ерөнхий нарийн бичгийн дарга, Хөдөлмөрийн намын гишүүн асан Мина Герхардсен өөрийн твиттер хуудсандаа энэхүү алхмыг сайшааж: “Хүүхдийн эрүүл мэндийн асуудлыг зах зээлийн тоглогчдын эрх ашгаас өмнө тавих хэрэгтэй, энэ шийдвэр бол яалтачгүй бахархах зүйл” хэмээн жиргэжээ
Хөдөлмөрийн намын эрүүл мэндийн бодлогын төлөөлөгч Сесили Мирсет орон нутгийн ТВ2 телевизэд ярихдаа: “Хүүхэд, залуучуудад эрүүл бус хоол хүнсийг маркетингийн тархидах аргаар худалдаалахыг зогсоохын тулд Норвеги улсын парламентын хууль тогтоох байгууллагууд давамгайлан дэмжсэнд би хувьдаа маш их баяртай байна хэмээжээ