Хамгийн сүүлийн үеийн мэдээгээр, бидний сайн мэдэх хиймэл чихэр орлуулагч аспартамыг Дэлхийн эрүүл мэндийн байгууллагын /ДЭМБ/ Хорт хавдар судлалын олон улсын агентлагаас энэ оны 7-р сард “хүний биед хорт хавдар үүсгэх магадлалтай” бодисын жагсаалтад анх удаа оруулах талаар Ройтерс агентлаг мэдээллээ. Албан ёсны мэдэгдлийг 2023 оны 7-р сарын 14-нд зарлахаар болжээ.
1981 онд ДЭМБ-с хүний 1 өдрийн хэрэглээнд хүлээн зөвшөөрөгдөх өдрийн норм нь 40мг/кг биеийн жинд байдаг ч бага нормоор хэргэлхэд ч хорт хавдар үүсгэх боломжтой талаар зарим судалгааны үр дүнгээр батлагджээ. Гэсэн хэдий ч аспартам нь бодисын солилцооны үйл явцад үзүүлэх нөлөө, бусад өвчинтэй холбоог судлахын тулд илүү их судалгаа хийх шаардлагатай байгаа талаар Дэлхийн эрүүл мэндийн байгууллагын /ДЭМБ/ Хорт хавдар судлалын олон улсын агентлаг /IARC/ мэдэгдэв.
ДЭМБ-ын Хоол тэжээл, хүнсний аюулгүй байдлын газрын захирал Франческо Бранка хэлэхдээ: Аспартамыг тогтоосон хязгаарт хэрэглэсний дараа хүний биед үзүүлэх сөрөг нөлөөний талаарх баттай нотолгоо байхгүй ч бүтээгдэхүүн үйлдвэрлэгчид тус бодис агуулсан бүтээгдэхүүнийг худалдаалахгүй байх талаар зөвлөж байна гэв.
Аспартамыг хийжүүлсэн ундаа, бохь, желатин зэрэг 6000 гаруй төрлийн бүтээгдэхүүнд хэрэглэдэг бол BBC агентлаг “Diet Coke, Coke Zero, Pepsi Max, 7 Up Free” хүнсний бүтээгдэхүүнд мөн агуулагддаг гэж мэдээлжээ.
