Хүнсний ирээдүйг зөгнөгч Доктор Morgaine Gaye ирээдүй бол өндөр технологи бүхий исгэлтийн процессоор нүүрстөрөгчийн давхар ислийг (CO2) тахианы мах эсвэл таны хүссэн бүх зүйл болгон хувиргаж чадах “Агаарын Уураг” (Air Protein) юм хэмээн тодотгодог. Альтернатив уураг үйлдвэрлэхэд хэдэн арван сая долларын хөрөнгө оруулалт хийж байгаа бөгөөд “агаар” нь 2050 он гэхэд дэлхийн 9.8 тэрбум хүнийг тэжээх гол зүйлүүдийн нэг байж болзошгүй юм. 9.8 тэрбум гэдэг нь өнөөдрийн дэлхийн хүн амаас бараг 2 тэрбумаар илүү бөгөөд бид одоо ч хүнсний хүртээмжийн асуудлыг бүрэн шийдэж чадахгүй байгаа. НҮБ-аас хүн амын уг өсөлтийн дийлэнх хувь нь газар тариалан эрхлэхэд хүндрэлтэй бүс нутаг болох Африкт бий болно хэмээн таамаглал дэвшүүлжээ. Мөн түүнчлэн дэлхийн дулааралтай холбоотой ган гачиг, үер ус, эрс тэс цаг агаар гээд аюулууд биднийг отсоор байна.
Тэгвэл бид ирээдүйн хоол, хүнс ямар байх талаар мэргэжилтнүүдтэй ярилцлаа. Эрдэмтэд 2023, 2024 онуудад хоол, хүнс хэрхэн өөрчлөгдөж болох талаар өөрсдийн таамаглалаа хуваалцсан бол 100 жилийн дараа бидний меню ямар байхыг зоригтой мэдэгдэл хийхээс эмээдэггүй шинжлэх ухааны зөгнөлт зохиолчдоос тодрууллаа.
2032 он
10 жилийн дараа
- Эсийн өсгөврийн аргаар гарган авсан уураг
- • Амьтны гаралтай бус уургийн нунтгаар хийсэн бяслаг
- • Урт үндэс бүхий усыг хадгалж хөрсийг сэргээдэг Kernza улаан буудайгаар хийсэн талх
- • Энгийн дарсан өргөст хэмх
- • Ган гачигт тэсвэртэй генийн өөрчлөлттэй вандуйгаар хийсэн соус
- • Замгаар баяжуулсан арвайн хатаасан үйрмэг (шим тэжээлийн бодисоор баялаг)
- • Талбай, нар шаардахгүй ургадаг летус
- • Бохир усыг шүүж дахин боловсруулсан ус (дэлхийн ихэнх орнууд цэвэр усны хомсдолд орж, өртөг нь өснө)
2042 он
20 жилийн дараа
- Фермд үржүүлсэн хаягдалгүй салмон загас
- Уургаар баяжуулсан сэвэг зарам
- Дунд зэргийн хүчиллэг, маш амттай Coffea stenophylla шошоор хийсэн мөстэй кофе
- 3D принтер бүхий шарах зуухыг ашиглан барьсан тоортой жигнэмэг (Агаараар шарагч ашиглалтаас гарна)
2122 он
100 жилийн дараа
• Номхон далайн хамгийн гүн цэгээс барьсан планктоноор хийсэн крикет тартар (органик чанарын баталгаатай). Хүнсний мөөгтэй тарт
• Дунтай цитрусны шөл
• Окрагийн үрээр хийсэн жава (кофег орлох)
• 3D принтерээр хэвлэсэн хар буурцагны тортилла чипс
