• Нэг саяас дээш орлоготой хүмүүст нэмэлт дөрвөн хувийн татвар ногдуулах хууль баталсан
• 2024 оны төсөвт цугларсан 56.2 тэрбум ам.долларын нэг тэрбум нь тус татвараас орж иржээ
• Татварын мөнгийг боловсролын тогтолцоо, дэд бүтцийг сайжруулахад зарцуулна

АНУ-ын Массачусеттс мужид 2023 оноос эхлэн нэг сая ам.доллароос дээш орлоготой хүмүүст нэмэлт дөрвөн хувийн татвар ногдуулах хууль баталсан. Ингэснээр тус муж дахь бүх улсын сургуулийн сурагчид өглөө, өдрийн цайнд үнэгүй хамрагдах боломжтой болж байна.

Татвараас олсон орлогыг хэрхэн захиран зарцуулах эрх нь мужийн хууль тогтоох байгууллагад байдаг. Харин хууль тогтоогчид боловсролын тогтолцоо, дэд бүтцийг засан сайжруулахад ашиглахаар төлөвлөж байгаа гэв.

Массачусеттс мужийн 2024 оны төсөвт 56.2 тэрбум ам.долларын цугларсан. Үүний нэг тэрбум нь саяас дээш орлоготой хүмүүст ногдуулсан дөрвөн хувийн татвараас орж иржээ.

Тус нэг тэрбум ам.долларыг улсын сургуулийн сурагчдад үнэгүй өглөө, өдрийн цай өгөх, бүртгэлгүй цагаач иргэдийг сургуульд хамруулахад туслах зорилгоор зарцуулах аж.