Үндэсний статистикийн хорооноос Монгол Улсын нийгэм, эдийн засгийн 2023 оны эхний 7 сарын голлох үзүүлэлтүүдийг танилцууллаа.
Монгол улсын Аж үйлдвэрийн салбарын нийт үйлдвэрлэл 15.6 их наяд төгрөг болж , өмнөх оны мөн үеэс 5.4(53.2%) их наяд төгрөгөөр өсжээ. Үүнд уул уурхай олборлолт 4.3 (64.8%) их наяд төгрөг, боловсруулах үйлдвэрлэл 825.7 (32.0%) тэрбум төгрөгөөр тус тус өссөн байна.
Үүнээс боловсруулах аж үйлдвэрийн салбарт малын мах боловсруулах үйлдвэрлэл 2.7 дахин, шингэн сүү боловсруулах үйлдвэрлэл 110.5 мянган.л, гурил 107.0 мянган тн-оор тус тус өссөн байна.
Манай улс ирэх 5 жилд гол нэрийн 19 төрөл болох малын мах, махан бүтээгдэхүүн, сүү, сүүн бүтээгдэхүүн, төмс, лууван, байцаа, манжин, сонгино, саримс, хүрэн манжин, гурил, гурилан бүтээгдэхүүн, хүлэмжийн ногоо, өндөг, цөцгийн тос, хүнсний давс, тахианы мах, ургамлын тосоор хүн амын хүнсний хэрэгцээг дотоодоосоо бүрэн хангаж, цаашлаад экспортоо нэмэгдүүлнэ гэсэн зорилго тавьсан. “Хүнсний хувьсгал” үндэсний хөдөлгөөн үр дүнгээ өгч дотоодын үйлдвэрлэлийн үйл ажиллагаа өргөжин тэлж импортлогчоос экспортлогч орон болох эхлэл тавигдаж байна.
