Монгол Улсын Ерөнхийлөгч У.Хүрэлсүхийн санаачилсан “Хүнсний хувьсгал” үндэсний хөдөлгөөний талаарх мэдээллийг олон нийтэд хүргэх ажлыг идэвхжүүлэх зорилгоор өнөөдөр /2023.10.18/ УИХ-аас батлан гаргасан “Хүнсний хангамж, аюулгүй байдлыг хангах талаар авах арга хэмжээний тухай” 36 дугаар тогтоолын 5 дугаар хэсгийн “к” дугаар заалт, мөн тогтоолын хэрэгжүүлэх арга хэмжээний төлөвлөгөөний 5.10 дах хэсгийг хэрэгжүүлэгч байгууллагуудын ажилтнуудад мэдээлэл олгох “Хүнсний хувьсгал” үндэсний хөдөлгөөн ба хэвлэл мэдээллийн салбарын оролцоо 2 дох удаагийн сургалт хэлэлцүүлэг зохион байгуулагдлаа.

Арга хэмжээнд Монгол Улсын Ерөнхийлөгчийн Тамгын газар, Харилцаа холбооны зохицуулах хороо, ЦХХХЯ, Оюуны өмчийн газар, Эм эмнэлгийн хэрэгслийн хяналт, зохицуулалтын газар, ХААИС, Орон нутгийн телевизүүдийн “Гал Хөгжил” холбоо, орон нутгийн телевизийн үйлчилгээ эрхлэгчид оролцлоо.

ХХЗХ-ны ажлын албаны дарга А.Лувсан-Очир сургалт, хэлэлцүүлгийг нээж үг хэллээ.
Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, ЕТГ-ын Хүнсний төсөл, хөтөлбөрийн албаны дарга А.Амаржаргал нар Хүнсний хангамж, аюулгүй байдал үндэсний хөдөлгөөний тухай мэдээлэл хийлээ.

Харилцаа холбооны зохицуулах газрын ӨНЗГ-ын ЗХХ-ийн дарга Н.Тогтохсүрэн” Телевизээр нэвтрүүлэх зар сурталчилгааны зохицуулалтын журам”-д нэмэлт өөрчлөлт оруулсан талаар, Эм эмнэлгийн хэрэгслийн хяналт, зохицуулалтын газрын Эм биологийн идэвхт бүтээгдэхүүнийг зах зээлд таниулах, зар сурталчилгааны зохицуулалтын асуудал хариуцсан мэргэжилтэн Э.Ундармаа “Эм биологийн идэвхт бүтээгдэхүүний зар сурталчилгааг нэвтрүүлэхэд анхаарах асуудлууд”, ХААИС-ийн Мал аж ахуй, биотехнологийн сургуулийн захирал, доктор Д.Гүрбазар “Хүнсний хувьсгал бол эрүүл мэндийн хувьсгал” сэдвээр илтгэл тавьж хэлэлцүүлэг өрнүүлж байна.