Монгол улсын анхны Хаан ширхэгт тохирлын гэрчилгээтэй, SFA “Алтан батламж”-тай “Ханбогд Кашимер” ХХК 25 жилийн ойн VIP FASHION SHOW 2023 загварын шоу зохион байгуулагдлаа.
Тус арга хэмжээ нь 2023 оны 10 сарын 20-ны өдөр “Шангрилла Улаанбаатар” зочид буудалд зохион байгуулагдсан бөгөөд, Fall/Winter 23, Spring/Summer 2023-24, Wedding-23, орчин үеийн загварын хэв маяг Чөлөөт шинэ коллекциудаа эрхэм хэрэглэгчдэдээ зориулан толилууллаа. Урилгаар Монгол Улсын Ерөнхийлөгчийн зөвлөх Ч.Даваабаяр оролцож 25 жилийн ойн баярын мэнд хүргэн, амжилт хүслээ.
Хувцас загварын ертөнцөд ноолууран бүтээгдэхүүний чанар, загвараараа хэрэглэгчдийн талархлыг хүртээд буй 25 жилийн түүхт “Ханбогд Кашимер” ХХК нь ноолуурын үйлдвэрлэлээр дэлхийн томоохон брэндүүдэд хүлээн зөвшөөрөгдсөн, экспортоор тэргүүлэгч компани юм.
Тус компани нь 2019 оноос ноолууран хувцас үйлдвэрлэл, загварын салбарт хүч түрэн орж Итали, Герман, Швейцар, АНУ, Канад, Франц, Япон, Солонгос зэрэг дэлхийн 20 гаруй орнуудад бүтээгдэхүүнүүдээ худалдаалж байна.
25 жилийн ой тохиож буй тус компани нь 400 гаруй ажилтан албан хаагчтайгаар Улаанбаатар хотын Сонгинохайрхан дүүрэгт 7,000 мкв талбайд дэвшилтэт тоног төхөөрөмж бүхий иж бүрэн үйлдвэр, Нийслэл хотод 6 салбар дэлгүүр, Орон нутагт 4 салбар дэлгүүртэйгээр үйл ажиллагаагаа тогтвортой явуулж байна.
Монгол Улсын нутаг дэвсгэрт байгаль орчинд ээлтэй бизнесийн загварыг бий болгох чиглэлээр үйл ажиллагаагаа явуулж, Тогтвортой Ноос Ноолуурын Эвсэл (ТННЭ)-ээс самнасан ноолуурын ул мөрийг мөшгөх гэрчилгээ авсан анхны компани болсон төдийгүй, ТННЭ-ийн гишүүн 4 аймаг, 5 корпорацаас 1,000 тонн ноолуурын нийлүүлэлтийг тогтмол хүлээн авч малчид, орон нутгийн иргэдийг дэмжин ажилласаар байна.
Монгол цагаан алт гэгдэх ноолуурыг эцсийн бүтээгдэхүүн болгон дэлхийн зах зээлд гарган, эх орныхоо нэрийг гаргаж буй үндэсний үйлдвэрлэгч “Ханбогд Кашимер”-ийн хамт олонд 25 жилийн ойн баярын мэнд дэвшүүлье.
