Нэгдсэн үндэстний байгууллагын өдрийг тохиолдуулан Монгол Улсын Ерөнхийлөгч Ухнаагийн Хүрэлсүх өнөөдөр НҮБ-ын байранд зочилж, НҮБ-ын хамт олонтой уулзлаа.
Жил бүрийн 10 дугаар сарын 24-ний өдөр нь Нэгдсэн Үндэстний Байгууллага (НҮБ) байгуулагдсан өдөр бөгөөд 1945 онд НҮБ-ын дүрэм хүчин төгөлдөр болсоны ойг энэ өдөр ёслон тэмдэглэдэг уламжлалтай. Мөн Монгол Улс албан ёсоор Нэгдсэн Үндэстний Байгууллагын гишүүнээр элссэний 62 жилийн ой тохиож байна.
Монгол Улсын Ерөнхийлөгчийн тамгын газар, Гадаад харилцааны яам, НҮБ-ын Суурин зохицуулагчийн алба хамтран НҮБ-ын өдөр-НҮБ-ын 78 жилийн ойн хүндэтгэлийн арга хэмжээг өнөөдөр зохион байгуулав.
Монгол Улсын Ерөнхийлөгч У.Хүрэлсүх НҮБ-ын хамт олонд хандан хэлсэн үгэндээ “НҮБ бол Монгол Улсын нийгэм, эдийн засгийн хөгжлийг урагшлуулах, хүрээлэн буй орчныг хамгаалах, ардчилал, сайн засаглалыг бэхжүүлэх зэрэг манай улсын хөгжил дэвшилд бүх талын туслалцаа дэмжлэг үзүүлж, хамтран ажиллаж буй манай чухал түнш” хэмээн онцоллоо.
Арга хэмжээнд НҮБ-ын Суурин зохицуулагч Тапан Мишра, Монгол дахь НҮБ-ын Хүнс, хөдөө аж ахуйн байгууллага (FAO)-ын суурин төлөөлөгч Винод Ахужа, Монгол Улсын Ерөнхийлөгчийн Гадаад бодлогын зөвлөх Э.Одбаяр, Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан, Гадаад хэргийн дэд сайд Г.Амартүвшин болон бусад албаны хүмүүс, НҮБ-ийн 180 гаруй албан хаагч оролцов.
Монгол Улс анх Сан-Францискогийн гэрээ батлагдсан 1946 онд НҮБ-д элсэх өргөдлөө анх гаргаж байсан ч гишүүнээр албан ёсоор элссэн хугацаа нь 1961 оны 10 дугаар сарын 27-ны өдөр НҮБ-ын 101 дэх гишүүн орон болж бүртгүүлсэн юм.
Манай улс НҮБ-аас хэрэгжүүлж ирсэн цөмийн зэвсгийн эсрэг тэмцлийг тууштай дэмжиж ирсэн бөгөөд улсынхаа нутаг дэвсгэрийг Цөмийн зэвсэггүй бүс нутаг хэмээн зарласан.
Түүнчлэн Монгол Улсын Зэвсэгт хүчин НҮБ-ын энхийг сахиулах үйл ажиллагаанд 2002 оноос оролцож эхэлсэн бөгөөд энэ онд Энхийг сахиулах ажиллагаанд оролцож эхэлсний 21 жил тохиож байна. Өнгөрсөн хугацаанд НҮБ-ын 12 энхийг сахиулах ажиллагаанд 20 мянга гаруй цэнхэр дуулгатнаа илгээн үүрэг гүйцэтгүүлсэн бөгөөд НҮБ-ын энхийг сахиулах ажиллагаанд цэрэг илгээгч топ 24 дэх орон болсон байна.
Arionplay and Gcash? That’s convenient! Depositing and withdrawing is a breeze. Makes playing a lot smoother. Definitely a plus in my book. arionplaygcash
88jilicasino is alright. Got some fun games and the payouts seem fair. Nothing groundbreaking, but a solid option for a bit of online gaming. 88jilicasino
Looking for a reliable agent for Lucky Cola? luckycolaagent seems to have their stuff together. Quick responses and helpful info. Worth looking into if you’re serious about playing there. luckycolaagent