Дорнод аймгийн Дашбалбар сумын Чух багийн иргэн Базаргүрийн Батмөнх, Бадамдоржийн Намжил нарын гэр бүл хөдөлмөрч буриад түмний төлөөлөл болж үлгэр жишээ амьдарч буй талаар сурвалжилгыг хүргэж байна.
Тэд гэр бүл болоод 40 жил болжээ. 4 хүүхэд өсгөн хүмүүжүүлж хүүхдүүд нь бүгд өрх тусгаарлан амьдарч байна. Б.Батмөнх гуай нэгдэлд трактор барьж байгаад зах зээлийн нийгэмд шилжсэнээс хойш мал дээр гарч сүүлээр хүнсний ногоо тариалж өрхийн тариаланч болжээ. Тэднийх хашаандаа төмс хүнсний ногоо, нарийн ногоог тариалж, мөн ногоогоо даршилж бэлтгэдэг байна. Гэртээ 1 тонны зоорьтой бөгөөд энэ жилийн хувьд 500 шил орчим даршилсан ногоо бэлтгэжээ.
Түүнчлэн 2000 оноос хойш хашаандаа үхрийн нүд жимсний мод тарьж, түүнийгээ үрслүүлэн жимсний модны төрлөө нэмсээр одоогоор алим, чавга, үхрийн нүдний 100 гаруй мод тариалаад байна. Үхрийн нүд жимсээр жимсний чанамал хийхээс гадна, гэрийн аргаар эсгэн жимсний дарс хийж, өөрсдийн нэрийн “Брэнд”-тэй болжээ.
Энэ жилийн тухайд 100 кг орчим үхрийн нүд хураан авч дарс, чанамал хийсэн байна. 500 гр-ын шилтэй цэвэр жимсээр хийсэн дарсаа 9 мянган төгрөгөөр худалддаг. Тэдний хийдэг үхрийн нүд жимсний дарс хэдийн сум орон нутагтаа танигдсан төдийгүй бусад аймаг хотуудаас ч хэрэглэгчид захиалж авдаг болжээ.
Эхнэр Б.Намжил гуайн хувьд 2012 онд ахуйн ослоор баруун гараа алдсан хэдий ч жимс ногоо тариалахын хажуугаар машины суудлын бүрээс, орны бүтээлэг зэргийг оён сум орон нутагтаа, залууст үлгэр дуурайлал болсон хөдөлмөрч гэр бүл Дашбалбар суманд амьдарч байна.
