Ази, Номхон далайн бүс нутаг дахь улс орнуудад хүнсний аюулгүй байдлын стандартын түвшин доогуур байгаа тул бодлого боловсруулагчид, хувийн хэвшлийнхэн, хэрэглэгчид илүү ихийг хийх ёстой.

НҮБ-ын Хүнс, Хөдөө Аж Ахуйн Байгууллагын (ХХААБ) Ази, Номхон далайн бүсийн Захирал Жонг-Жин Ким

Аюулгүйн шаардлага хангаагүй хоол хүнс хэрэглэснээс болж жил бүр олон зуун сая хүн өвчилдөг. Энэ байдал Ази, Номхон далайн бүс нутагт бүр ч хүнд, хүнсний аюулгүй байдал алдагдсаны улмаас хүний амь насанд халтай байх тохиолдол өндөр байна. Дэлхийг хамарсан цар тахлын өмнөх тоо баримтаас харахад Ази, Номхон далайн бүс нутагт жил бүр 225,000 орчим хүн хүнсний гаралтай өвчний улмаас нас барсан байна. Энэ бол дэлхийн нийт нас баралтын талаас илүү хувь юм. Харамсалтай нь нас барсан хүмүүсийн бараг гуравны нэг нь буюу 30 хувь нь хүүхдүүд байна.

Хүнсний аюулгүй байдал алдагдах эрсдэл бидний эргэн тойронд байсаар байна. Хоолны хордлого нь ихэвчлэн хүн, амьтны ялгадаснаас дамжин бохирдсон, эсвэл буруу хадгалсан хоол хүнс хэрэглэснээс үүдэлтэй байдаг. Гудамжинд худалдаж байгаа хүнсийг голдуу өдрийн халуунд олон цагаар ил хадгалдаг, мах, өндөг зэрэг хоол хүнсийг гүйцэд чанаж болголгүй хэрэглэснээс болж өвчлөх тохиолдол элбэг гэх зэргээр тоочвол олон зүйл бий.

Хүнсний аюулгүй байдал алагдагдах нь хүний эрүүл мэнд төдийгүй улс орны эдийн засагт аюул учруулж байна. Хүнсний аюулгүй алдагдах нь эмзэг бүлгийнхэн болон эмэгтэйчүүд, хүүхдүүд, байгалийн гамшиг болон зэвсэгт мөргөлдөөнд өртөгсөд зэрэг гадуурхагдах магадлалтай бүлгийнхэнд илүү хүндээр нөлөөлдөг. Хүнсний бүтээгдэхүүнийг буруу хадгалах, боловсруулах, хэрэглэснээс дэлхийн худалдаанд хохирол учруулж, улмаар хүнсний хог хаягдлыг улам ихэсгэж байгаа нь манай гаригийн олон хүн өлсгөлөнд нэрвэгдсээр байгаа өнөөгийн нөхцөлд хүлээн зөвшөөрч болохгүй зүйл юм.

Гэхдээ хоол хүнсийг зөв хадгалан боловсруулж хэрэглэх, ялангуяа хоол хүнс бэлтгэж буй хүмүүсийн эрүүл ахуйн дадал зуршлыг сайжруулах, хөргөгч, хөлдөөгчийн ашиглалтыг нэмэгдүүлэх зэргээр аюул, эрсдэлийг даван туулах боломжтой. Цаашид үүнээс ч илүү ихийг хийх шаардлага тулгарч байна.

Засгийн газрууд хүнсний хяналтын тогтолцоог бэхжүүлж, тандалт судалгааны үйл ажиллагааг нэмэгдүүлэхийн зэрэгцээ бизнес эрхлэгчид болон олон нийттэй харилцах харилцааг сайжруулах нь зүйтэй байна. Эдгээр үйл ажиллагааг өдөр тутам хэрэгжүүлж хэвшүүлэх ёстой бөгөөд байгалийн гамшгийн дараа хүнсний бохирдол ихсэж болох тул энэ үед онцгой анхаарах ёстой юм.

Мөн Ази, Номхон далайн бүсийн улс орнуудад хүнсний аюулгүй байдлын стандартыг хүнс үйлдвэрлэгчээс эхлээд хүнсний бүтээгдэхүүнтэй харьцаж буй хүмүүс, жижиглэнгийн худалдаачин, эцсийн хэрэглэгчид хүртэлх нэмүү өртгийн сүлжээг бүхэлд нь сайжруулах хэрэгтэй.

Хүнсний стандартууд, ялангуяа олон улсын хүнсний хууль эрх зүйн хороо (Кодекс)-ны стандартууд нь хүнсний худалдааны шударга байдлыг баталгаажуулдаг. Тус бүс нутгийн олон орон хүнсний гол үйлдвэрлэгч, экспортлогчид бөгөөд бусад олон улс энэ бүлгийн гишүүн болохыг эрмэлзэж байна. Хүнсний сүлжээнд олон оролцогчид байдаг бөгөөд хоол хүнсийг олон шат дамжуулан боловсруулдаг тул аль шатанд алдаа гарч, хүнсний аюулгүй байдал алдагдах нөхцөл үүсэж болзошгүй. Тиймээс бохирдсон хоол хүнс хэрэглэгчдэд хүрэхгүй байхыг баталгаажуулахын тулд зохих хариу арга хэмжээ авахад бид үргэлж бэлэн байх ёстой.

Хүнсний өртгийн сүлжээнд хувийн хэвшлийнхэн хүнсний аюулгүй байдлын менежментийн төлөвлөгөөг сайжруулж, харилцан мэдээлэл солилцохоос гадна хэрэглэгчидтэй харилцах харилцаагаа сайжруулах боломжтой. Үүний зэрэгцээ хэрэглэгчид хүнсний аюулгүй байдал алдагдсан зөрчлийг хэрхэн мэдээлэх, хариу арга хэмжээ авах, ялангуяа гэртээ гэнэтийн зүйл тохиолдоход хэрхэн бэлэн байх, хүнсний аюулгүй байдал алдагдсан үед хэрхэн хариу арга хэмжээ авахыг мэддэг байх ёстой. Тиймээс хүн бүр өөрсдийн үүргээ гүйцэтгэх хэрэгтэй. Өөрөөр хэлбэл, өдөр тутмын сонголтдоо хүнсний аюулгүй байдлын эрсдэлийг үнэлэхэд хүн бүр эрсдэлийн менежерийн үүргийг хүлээдэг. Энэ бол хүнсний аюулгүй байдлын Дэлхийн өдрийн гол утга учир юм.

НҮБ-ын Хүнс, Хөдөө Аж Ахуйн Байгууллага (ХХААБ) болон Дэлхийн Эрүүл Мэндийн Байгууллага (ДЭМБ) нь гишүүн улс орнууд болон байгууллагууд, ялангуяа хувийн хэвшлийнхэнд аюулгүй хоол хүнс үйлдвэрлэхэд шаардлагатай зөв, үр дүнтэй стандарт боловсруулж, хэрэгжүүлэх талаар заавар зөвлөгөө өгөх зорилгоор олон жилийн турш хамтран ажиллаж ирсэн.

Хүнсний аюулгүй байдал бол хүн бүрийн асуудал юм. Бид 2019 оны зургаадугаар сарын 7-нд анх удаа хүнсний аюулгүй байдлын Дэлхийн өдрийг тэмдэглэсэн. Жилийн өмнө НҮБ-ын Ерөнхий Ассамблейгаас баталсан “Хүнсний аюулгүй байдлын Дэлхийн өдөр” нь аюулгүй хүнсний ашиг тус, мөн аюулгүй байдал алдагдсан хүнсний хор хөнөөлийг илүү сайн ойлгож, анхаарахад бидэнд тусалж байна.

Хүнсний аюулгүй байдлын Дэлхийн өдөр бол бидний идэж буй хоол хүнс аюулгүй – заяагдмал чанартай гэж бидний олонх нь боддог зүйлдээ анхаарал хандуулах өдөр юм. Харамсалтай нь Ази, Номхон далайн бүс нутгийн улс орнууд болон дэлхийн бусад улсуудад ч байдал өөр байна. Тиймээс энэ жил “Хүнсний аюулгүй байдал: болзошгүй эрсдэлд бэлэн байя” уриаг дэвшүүлж байна.

Жил бүрийн зургаадугаар сарын 7-нд тэмдэглэдэг Хүнсний Аюулгүй байдлын Дэлхийн өдрөөр эрсдэлтэй хүнсний аюулыг бууруулахын төлөө хамтдаа зүтгэцгээе. Мэдлэг, мэдээлэлтэй байж, болзошгүй эрсдэлд бэлэн байя.

In a region with poor food safety standards, policy makers, the private sector and consumers in Asia and the Pacific must do better

By Jong-Jin Kim, Assistant Director-General and Regional Representative, Food and Agriculture Organization of the United Nations (FAO)

Each year, hundreds of millions of people are sickened by eating unsafe food. Here, in the Asia-Pacific region, the situation can also be deadly. According to the latest figures, gathered just prior to the global pandemic, some 225,000 people die each year from foodborne illnesses in Asia and the Pacific. That’s more than half of the global fatalities. Sadly, nearly a third of those who perish, 30 percent, are children.

The hazards of unsafe food are all around us every day. While food poisoning is often caused by eating food that has encountered traces of human or animal feces from contaminated handling or surfaces, it can also be caused by improper storage. Many street markets routinely have food that sits out on a hot day, sometimes for hours. Food that should be refrigerated is not. Eating chicken or eggs that are not fully cooked can also make us sick. The list is long.

Unsafe food is a threat to both human health and the economies of our countries. Unsafe food disproportionally affects vulnerable and marginalized people, especially women and children, as well as populations confronting natural disasters and conflict. Poor handling of food also damages global trade leading to further food waste, which is unacceptable in a world where too many people still suffer from hunger.

But these hazards can, in most cases, be overcome by proper handling of food, including better hygiene practices of those preparing food for consumption, and refrigeration of foods that are meant to be kept cold or frozen. But much more needs to be done.

Governments can strengthen their national food control systems and increase surveillance activities, as well as improving communication with food businesses and the public – these acts should be an everyday occurrence but are particularly important following a natural disaster where food may be contaminated.

There is also a business case to be made for improving food safety standards in Asia and the Pacific, beginning at the source where food is produced, to those handling the food, and all along the value chain until it reaches the retailer and consumer.

Food standards, especially those of Codex Alimentarius, ensure fair practices in food trade. Many countries in this region are major producers and exporters of food and many more are aspiring to become key members of this group. Along food value chains, there are multiple players and food changes hands many times and goes through several processing steps. An incident can happen at any time and render the food unsafe. That’s why we should always be prepared with an adequate response that ensures that contaminated food does not reach consumers.

All along the food value chain, the private sector can improve its food safety management plans and share information with each other, as well as improving their communication with consumers. Meantime, consumers, all of us, should know how to report or respond to a food safety incident, including being mindful of how to prepare for the unexpected at home and how to react when a food safety incident occurs. So, we all need to do our part – everyone is a risk manager when it comes to evaluating food safety risks in our daily choices. That’s what this World Food Safety Day is all about.

The Food and Agriculture Organization of the United Nations (FAO) and the World Health Organization (WHO) have been working together for many years to provide guidance to our members and others, including the private sector, on developing and implementing proper and effective standards to ensure food is safe to eat.

But food safety is everyone’s business. In 2019, the first World Food Safety Day was marked on 7 June. Adopted a year earlier by the United Nations General Assembly, the resolution proclaimed a World Food Safety Day would help us all to better understand the myriad benefits of safe food, and the dangers of food that is not safe. World Food Safety Day is a chance for everyone to take a moment to pay closer attention to something many of us take for granted – that the food we are eating is safe, when unfortunately, here in Asia and the Pacific (and other parts of the world), sometimes it’s not. That’s why this year’s slogan is ‘Food safety: prepare for the unexpected.’

On this year’s World Food Safety Day, 7 June, let’s all work together to reduce the hazards of unsafe foods. Let’s be aware and let’s prepare for the unexpected.