27 сая гаруй га талбайг эзэлдэг Дорнод Монголын тал хээр нутаг нь дэлхийн хамгийн том бэлчээрийн экосистемийн нэг боловч 57 хувь нь доройтсон байна. Тал хээр нь биологийн олон янз байдлын өвөрмөц өлгий нутаг бөгөөд хөрс нь олон сая тонн нүүрстөрөгчийг өөртөө шингээдэг. Тогтвортой хөдөө аж ахуйн менежментээр биологийн олон янз байдлыг хадгалах, уур амьсгалын өөрчлөлтийг бууруулж, доройтсон бэлчээрийг нөхөн сэргээх боломжтой.
Дорнод хээрийн тал нутгийн тариаланч Батдэлэгийн Батнаран нь 2014 оноос хойш нөхөн сэргээгдэх газар тариалангийн арга техникийг ашиглаж байна. Даян дэлхийн байгаль орчны сангийн санхүүжилтээр, НҮБ-ын ХХААБ болон Дэлхийн байгаль хамгаалах сан Монгол Улсад хэрэгжүүлж буй хуурай газрын тогтвортой ландшафтын төсөл нь түүний тариалангийн арга барилыг өргөжүүлэхэд нэмэр болсон билээ.
Өмнө нь гич, вандуй, рапс, царгас зэрэг үр тариа тариалж, хөрсөө сайжруулдаг байсан бол одоо 12 төрлийн үр тариа тарьж дөчин жил эзгүй байсан газрыг сэргээж байна. Үр тариа нь хамт ургах үед хэрэгцээт ашиг тусыг нэг нэгэндээ өгдөг бөгөөд зарим нь улирлын турш тарихад хөрсний чийг, шим тэжээл, биологийн олон янз байдлыг хадгалахад тусалдаг. Эрүүл хөрстэй болсноор ургац жилээс жилд сайжирч, уг мэдлэгийг залуу хойч үедээ уламжлуулан үлдээж байна. Хамтын хүчээр 3700 орчим га тариалангийн талбайг нөхөн сэргээгдэх хөдөө аж ахуйн аргыг хэрэгжүүлж байна
НҮБ-ын ХХААБ болон Дэлхийн байгаль хамгаалах хамтран Монголд 292 200 га талбайг нөхөн сэргээж, хүлэмжийн хийн ялгарлыг 8.8 сая тонноор бууруулахад нэмэр боллоо.