Хуванцар хог хаягдлуудын томоохон асуудалтай орнуудын нэг бол Австрали улс. Хуванцар хог нь байгаль орчинд хамгийн их хохирол учруулж буй гол хүчин зүйлсийн нэг юм. Учир нь хуванцар хаягдал байгальд задрахдаа маш удаанаас гадна, амьтдын эрүүл мэнд, аминд халтай. Нэг хуванцар савыг бүрэн задлахын тулд 500-1000 орчим жил шаарддаг байна.
Австрали улс 2020-2021 онд 2.6 мегатон орчим хуванцар хог хаягдал гаргажээ. Үүний тал хувь нь үйлдвэрлэлийн хог хаягдал байсан бол үлдсэн ихэнх хувь нь айл өрхөөс гардаг хуванцрууд байдаг байна, үүнээс үзэхэд иргэдийн гэрээсээ гаргадаг хог хаягдлууд нь байгаль орчин, нийгэмд ямар их нөлөөтэй болох нь харагдаж байгаа юм.
Тухайлбал Австрали улсын хуванцар сав хэрэглээ аюулгүй байдлын хэрэглээ 2020-2021 үндэсний тайлан судалгаан дээр 2,328,300 тонн (61%)-г импортын бэлэн болон хагас боловсруулсан хуванцар савлагаатай бүтээгдэхүүн эзэлж байгаа бол, 1,462,800 тонн (39%)-г дотооддоо үйлдвэрлэсэн хуванцар савлагаатай бүтээгдэхүүн эзэлж байгааг тусгажээ.
Хуванцрыг хэрэглээнээс татгалзахын тулд Австрали улс доорх хөдөлгөөнүүдийг өрнүүлээд байна.
- BYO Friday хөдөлгөөн – Австралид жил бүр олон тэрбум кофены аяга, таг хаягддаг бөгөөд энэ нь нэг удаагийн хуванцар эд зүйлсийн нэг болж хувирдаг. Дийлэнх нь хогийн цэгт хаягдаж, ихэнх нь хог хаягдал болж, хуванцар нь бохирдол болж хувирдаг. Олон хүмүүс нэг удаагийн кофены аягыг дахин боловсруулах боломжтой гэж боддог ч ихэвчлэн хуванцраар доторлогоотой байдаг бөгөөд ихэнх нь хогийн цэгт хаягддаг. Иймд BYO Friday хөдөлгөөн нь хүмүүсийг баасан гариг бүрд өөрсдийн ахин ашиглах боломжтой усны сав, цайны аяга, хоолны сав зэргээ авчран кафе, кофе шоп, дэлгүүрээр үйлчлэхийг уриалаад байна. #Biofriday #noexcuseforsingleuse
- Хуванцаргүй 7-р сар хөдөлгөөн- Олон сая хүмүүс хуванцрын бохирдлыг багасгахад нэгэн хэсэг болохыг уриалсан дэлхийн хөдөлгөөн юм.
Хуванцрыг дахин боловсруулах нь дангаараа асуудлыг шийдэж чадахгүй. Одоогийн байдлаар Австрали улс нь хуванцар материалын 13 хувийг дахин боловсруулж байгаа ч энэ нь хангалтгүй хувь гэж үзээд байна. Тиймээс үүнээс гарах аливаа сөрөг үр дагаврыг зогсооход иргэд, аж ахуй нэгжүүдийн ухамсар гол үүрэг гүйцэтгэх учраас хүнсний хог хаягдлыг багасгахад тань туслах доорх 10 зөвлөмжүүдийг хүргэж байна
- Дэлгүүрээс юм авахдаа аль болох гэрээсээ тор авч явах. Мөн гэртээ хүнсний зүйлээ хадгалахдаа аль болох хуванцар уутнаас татгалзаж шилэн саванд хадгалахыг хичээгээрэй
- Хүн бүр өөрийн аяга, халбага, усны савтай байх
- Нэг удаагийн хэрэглээнээс татгалзах
- Худалдан авалт хийхээсээ өмнө жагсаалт гаргаж, илүү зүйл худалдаж авахгүйг хичээгээрэй
- Хоол болон бусад хүнсний зүйлийг худалдан авахдаа аль болох бага сав баглаа боодолтой зүйлийг сонгох
- Хоол хүнснийхээ илүүдэл болон үлдэгдэл органик хог хаягдлыг аль болох бордоо болгон ашиглахыг зорих. Үүний тулд ангилан тусгай саванд хадгалах
- Хэрэглэхгүй, хуучин эд зүйлс, хувцасыг бусдад хандивлах ажлыг байнга хийснээр хог хаягдал үлэмж багасна.
- Ариун цэврийн хэргэлэл, хүүхдийн памперс ил задгай хаяхгүй байх
- Хогоо ил задгай хаяхгүй байх, хатуу хог хаягдлаа зориулалтын уутанд хийж хогын цэгт хаях
- Батерей зай, газны сав зэргийг зориулалтын газар нь өгөх
