Хүнсний болон Хөдөө аж ахуйн үйлдвэрлэлийг дэмжих КЛАСТЕР зээлийн талаар хэлэлцүүлэг 2023 оны 12 сарын 12-ны өдөр боллоо.
Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөн болон компанийн дунд хугацааны бизнес төлөвлөгөөний хүрээнд Хаан банк 2023-2026 онуудад ХАА-н салбарт чиглэсэн (Ноос ноолуур, үр тариа, мах, сүү) 4 төрлийн кластерын бүтээгдэхүүнүүдийг дэмжсэн бүтээгдэхүүн гаргахаар төлөвлөөд байна.
Тус банкнаас Хүнсний болон Хөдөө аж ахуйн үйлдвэрлэлийг дэмжих КЛАСТЕР зээлийн танилцуулга хийж, анхны хэлэлцүүлгийг зохион байгууллаа.
Хэлэлцүүлэгт Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, ЕТГ-ын Хүнсний төсөл, хөтөлбөрийн алба, УИХ-ын Тамгын газрын Хяналт шалгалт, үнэлгээний газар, ХХААХҮЯ, Хүнсний хувьсгал ТББ-ын төлөөлөл,хүнс, хөдөө аж ахуйн салбарын үйлдвэрлэгчдийн орлогыг нэмэгдүүлэх чиглэлд зориулсан КЛАСТЕР зээл олголтод анхаарах, бусад асуудлаар санал солилцлоо.
Ерөнхийлөгчийн санаачлан батлуулсан “Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 2022 оны 36 дугаар тогтоолын хэрэгжилтийг хангах хүрээнд Засгийн газрын 2023 оны 63 дугаар тогтоолоор арилжааны 10 банкаар дамжуулан Хүнс, хөдөө аж ахуйн үйлдвэрлэл эрхлэгчдэд 5-6 хувийн хүүтэй, 3-5 жилийн хугацаатай эргэлтийн хөрөнгийн болон хөрөнгө оруулалтын уг зээл олгоод байна.
2023 оны 12 сарын 12-ны байдлаар нийт 667.6 тэрбум төгрөгийн зээл гараад байна. Үүний 50 гаруй хувь нь Хаан банкаар гарчээ.
