Хөвсгөл аймгийн Эрдэнэбулган суманд аялал жуулчлалыг хөгжүүлэх, иргэдийн орлогыг нэмэгдүүлэх зорилгоор Даль цэцгийн баярыг зохион байгууллаа.

Энэ жил Даль цэцгийн баярыг 7000 орчим иргэн зорин иржээ. Энэ үеэр жижиг, дунд үйлдвэр эрхлэгчид, малчдын бэлтгэсэн цагаан идээ хамгийн их эрэлттэй, борлуулалт сайн байлаа.

Малчид Даль цэцгийн баярт эртнээс цагаан идээг боловсруулан нөөцөлдөг байна.

Тухайлбал, Эрдэнэбулган сумын малчин Г.Ганхүрэл “Энэ жил иргэдийн хаврын ядаргааг тайлахаар хайлмаг хийж ирсэн. Маш хурдан дууслаа. Даль цэцгийн баяраар жилд 2-5 сая төгрөгийн орлого олдог” гэдгийг хэллээ.

Даль цэцгийн баярыг зорин ирж буй иргэдийн тоо жилээс жилд эрс нэмэгдэж байгаа учраас орон нутаг тодорхой хэмжээний бэлтгэлийг хангаж, аймгийн хэмжээнд хаврын улиралд аялал жуулчлалыг хөгжүүлэх эвент болгон өргөжүүлж байна.

эх сурвалж: монцамэ.мн