Бэлчээрийн нөхцөл байдлыг хялбар, үр дүнтэй үнэлэх зорилгоор шинээр хөгжүүлсэн “Belcheer”
гар утасны аппликейшнийг хэрэглээнд нэвтрүүлэх дадлага сургалтыг зүүн бүсийн гурван аймагт зохион байгууллаа. Сургалтад газрын харилцаа, хөдөө аж ахуй, байгаль орчны мэргэжилтнүүд хамрагдаж, фотомониторинг хийх аргачлалд суралцан, шаардлагатай багаж хэрэгслээр хангагдсан.
Сургалтын үр дүн:
Доройтсон бэлчээрийг нарийвчлан тогтоож, нутгийн түвшинд нөхөн сэргээх арга хэмжээ төлөвлөх боломж бүрдэв.
“Belcheer” аппыг туршин 2025 оны 8-р сараас үндэсний хэрэглээнд нэвтрүүлэхээр бэлтгэл хангаж байна.
Сургалтад оролцогчдод зориулан бэлчээрийн фотомониторинг хийх, үр дүнг төлөвлөлтөд ашиглах аргачлал, арга зүйг багтаасан гарын авлагыг түгээлээ.
Оролцогчид бэлчээр ашиглах, хамгаалах, оролцоог хангах тухай өөрсдийн сайн туршлагыг хуваалцлаа.
Сургалтын оролцогчдод бэлчээрийн фотомониторинг хийхэд шаардлагатай бүх багаж хэрэгслээр хангалаа.
Энэхүү дадлага сургалт нь Газрын тухай хуульд 2024 онд орсон нэмэлтээр орсон хөдөө, аж ахуйн болон байгаль орчны асуудал эрхэлсэн Засгийн газрын гишүүний хамтран баталсан аргачлалын дагуу сумын газрын даамал болон бэлчээр хариуцсан мэргэжилтэн хамтран жил бүр бэлчээрийн даацыг үнэлэх, энэхүү үнэлгээг үндэслэн бэлчээр ашиглалтын гэрээ байгуулах, биелэлтэд тогтмол хяналт тавих, дүгнэх тухай хуулийн шинэ зүйл заалтыг хэрэгжилтийг хангахад хувь нэмэр оруулах юм.