Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Хүнсний хангамж, аюулгүй байдал” үндэсний хөдөлгөөний хүрээнд аялал жуулчлал, катерингийн үйлчилгээ үзүүлдэг “Нүхт Тур” ХХК-ийн үйлдвэрт ажиллалаа. Мөн “Хүнсний хувьсгал” мэргэжлийн холбооны гүйцэтгэх захирал Б.Батцэцэг болон холбогдох албаныхан ажиллалаа.
Тус компани нь 1994 онд байгуулагдсан бөгөөд аялал жуулчлал болон агаарын хөлгийн зорчигчдын хоол үйлдвэрлэл, катерингийн үйлчилгээ үзүүлдэг компани юм.
Агаарын тээврийн МИАТ ХК, Аэрофлот, Хүннү Эйр ХХК, Изинис Эйрвэйс ХХК авиакомпанийн зорчигчдын хоол хүнсийг үйлдвэрлэн бэлтгэн нийлүүлж хамтран ажиллахаас гадна гадаадын тусгай үүргийн онгоцуудад катерингийн үйлчилгээг үзүүлдэг.
Нийт 80 ажилтан албан хаагчтай бөгөөд “Хүнсний хангамж, аюулгүй байдал” үндэсний хөдөлгөөний хүрээнд хүнсний аюулгүй байдлыг ханган үйл ажиллагаандаа HACCP, ISO9001:2008 Чанарын удирдлагын тогтолцоог нэвтрүүлэн ажиллаж байна. Мөн олон улсын стандартын шаардлагын дагуу үйл ажиллагаандаа GSO 2055-1:2015 буюу Халал менежментийн тогтолцоог нэвтрүүлжээ.
Мөн ISO/ IEC 17025:2007 Стандартын шаардлага хангасан Эрүүл ахуй, нян судлалын итгэмжлэгдсэн лабораторитоо хүнсний бараа материал, өдөр тутмын зорчигчдын хоол хүнсэнд тогтмол шинжилгээ хийж батламжлан ажилладаг.
Тус компани нь Дэлхийн тогооч нарын холбоо /WACS/, Олон улсын Катерингийн холбооны /ITCA/ гишүүн бөгөөд эдгээр холбооноос зохион явуулж буй үйл ажиллагаанд нь идэвхтэй оролцож хоол үйлдвэрлэлийн стандарт , дүрэм, журам, заавар зөвлөмжийг үйл ажиллагаандаа хэрэгжүүлж ажилладаг юм.
Аэрофлот авиа компаний агаарын хөлгийн зорчигчдын хоолыг 2000 оноос МИАТ авиакомпанийн агаарын хөлгийн зорчигчдын хоол хүнс, катеринг үйлчилгээг 2009-2023 он хүртэл ханган нийлүүлж байна.
МИАТ ХК-ийн Катеринг төвийг 2009 оноос удирдлагын гэрээгээр ажиллуулан төвийн зохион байгуулалт, агаарын хөлгийн зорчигчийн хоол үйлдвэрлэлийн технологи, амт чанар, эрүүл ахуй, аюулгүй байдлыг ханган олон улсын түвшинд хүргэн ажиллажээ.
Хоол үйлдвэрлэлийн үйл ажиллагааг аюулгүй байдалд бэлтгэн үйлдвэрлэх зорилгоор 2009 оноос Хяналтын камерыг бүх хоол үйлдвэрлэх савлах, боох, ачих хэсгүүдэд байрлуулж байнгын хяналттай болжээ.
Иргэний нисэхийн аюулгүй байдлын хөтөлбөрийг хэрэгжүүлэх үүднээс хоол хүнсийг аюулгүй байдлыг хангасан орчинд бэлтгэн савлаж, бэлтгэн тээвэрлэж нисэх буудлын Аюулгүй байдлын алба, Нислэгийн аюулгүй ажиллагаа хяналт зохицуулалтын алба, Гаалын байгууллагуудтай нягт уялдаа холбоотой нисэхийн аюулгүй байдлыг ханган ажиллаж байна.
Хоол үйлдвэрлэлийн технологийн шаардлагын дагуу хүнсний бараа бүтээгдэхүүнийг зохих темпратурт хадгалалтын горимыг барих хөргүүр, гүн хөлдөөгч болон хөргөх тоног төхөөрөмжийг ажиллуулж байна.
Хоол үйлдвэрлэлийн үйл ажиллагааг сайжруулахаар Герман, Япон, ОХУ-н мэргэжилтэнүүдийг урин ажиллуулж байгаа бөгөөд өөрсдийн ажилтануудыг явуулж дадлагажуулдаг юм.
