Канадын Торонто хотноо 94 дэх жилдээ зохион байгуулж буй PDAC-2026 буюу дэлхийн уул уурхайн олон улсын чуулга уулзалт болж байна.
Монгол Улсын Аж үйлдвэр эрдэс баялгийн сайд Г.Дамдинням уулзалтад оролцох үеэрээ Канадын Эрчим хүч Байгалийн нөөцийн яамны төлөөлөлтэй уулзах үеэрээ “Уул уурхайн салбар бол манай хоёр улсын харилцааны гол тулгуур учир энэ салбар дахь сайн засаглал, хөрөнгө оруулалтыг дэмжих, байгалийн баялгийн өгөөжийг иргэдэд шударгаар хүртээх бодлого хэрэгжүүлж, аж үйлдвэржилтийг дэмжих, нэмүү өртөг шингээсэн үйлдвэрлэл хөгжүүлэхэд Канадын түншүүдтэй хамтран ажиллахад бэлэн” гэдгээ илэрхийлэв.
Монгол Улсын хувьд уул уурхайн салбарын нийгэм, эдийн засагт үзүүлэх нөлөө нь их учир салбарын эрх зүйн орчны тогтвортой байдлыг ханга, Ашигт малтмалын тухай хуулийн нэмэлт, өөрчлөлтөөр ашигт малтмалын нөөц ашигласны төлбөрийн хэмжээг олон улсын жишигт нийцүүлэх замаар хөрөнгө оруулалтыг нэмэх зорилготой байгааг АҮЭБЯ мэдээллээ.
Канад улс нь уул уурхайн тоног төхөөрөмж, технологи, үйлчилгээний дэлхийн томоохон ханган нийлүүлэгчийн хувьд манай улсад үйл ажиллагаагаа өргөжүүлэн хөгжүүлэх боломжтойг илэрхийлжээ.
Эх сурвалж: https://www.montsame.mn/
