Бүсчилсэн хөгжлийн бодлого, Хөдөө аж ахуйн салбарын өвөлжилт, хаваржилтын бэлтгэл хангах тухай Засгийн газрын 2025 оны 56 дугаар тогтоолыг хэрэгжүүлэх хүрээнд Хүнс, хөдөө аж ахуй, хөнгөн үйлдвэрийн сайд М.Бадамсүрэнгээр ахлуулсан ажлын хэсэг 2026 оны 03 дугаар сарын 15-ны өдөр Сант суманд ажиллалаа.
Тус арга хэмжээнд Улсын их хурлын гишүүн, Аюулгүй байдал, гадаад бодлогын байнгын хорооны дарга Г.Тэмүүлэн, аймгийн Засаг дарга О.Пүрэвдорж, Баянгол, Баян-Өндөр сумын удирдлагууд болон нийт 130 гаруй малчид оролцов.
Малчдын амьжиргааг дэмжсэн, орон нутагтаа тохилог амьдрах орчныг бүрдүүлсэн “Орон нутгийн хөгжлийн төв” төслийг хэрэгжүүлнэ, ингэснээр иргэд, малчдад хөнгөлөлттэй зээл, бизнесийн зөвлөх үйлчилгээ, трактор, техник түрээсийн үйлчилгээ үзүүлэх болон малын тэжээлийн бага оврын тэжээлийн үйлдвэр зэргийг байгуулах боломж бүрдэнэ гэдгийг онцоллоо.
