“Хүнсний хувьсгал” мэргэжлийн холбооны тэргүүлэгч гишүүдийн VIII хуралдаан боллоо. Хурлыг “Хүнсний хувьсгал” мэргэжлийн холбооны тэргүүн Ч.Даваабаяр нээж үг хэллээ.
Хурлаар “Мэргэжлийн нэгдсэн холбооны эрх зүйн байдлын тухай хууль”-ийн талаар санал солилцож, цаашид хүнс, хөдөө аж ахуйн салбарын холбоодыг нэгтгэн “Хүнсний хувьсгал” мэргэжлийн нэгдсэн холбоо байгуулах ажлыг идэвхжүүлэх тухай хэлэлцлээ.
ЕТГ-ын “Хүнсний төсөл хөтөлбөр хариуцсан алба”-ны дарга О.Нямсүрэн Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөний талуудын оролцоо сэдвээр, Дэд тэргүүн Т.Мөнхтөр тус хөдөлгөөний цаг үеийн байдал, үр дүнгийн талаар илтгэл танилцуулав.
Мөн олон улсын туршлагаар “Хүнсний хувьсгал” үндэсний хөдөлгөөний хоёрдугаар үе шатыг эхлүүлэн цаашид тууштай үргэлжлүүлэх хэрэгцээ шаардлага байгааг тэргүүлэгч Б.Болдбаатар онцолж байна.
“Хүнсний хувьсгал” ТББ-ын Гүйцэтгэх захирал Б.Батцэцэг COP-17 ажлын хэсгийн танилцуулга болон холбооны 2026 оны үйл ажиллагааны төлөвлөгөөг танилцууллаа.
Тэргүүлэгч гишүүн Ц.Төгсөө “Артишокийн үнэ цэнийн сүлжээ, тариалалтаас эрүүл мэндийн инновацийн бүтээгдэхүүн хөгжүүлэлт” сэдвээр илтгэл танилцууллаа.
Түүнчлэн холбооны удирдах зөвлөлийн тэргүүлэгч гишүүнээр:
- Ч.Даваабаяр /Удирдах зөвлөлийн дарга/
- Т.Мөнхтөр /Удирдах зөвлөлийн дэд тэргүүн/
- Ц.Рэнчинсэнгээ /Удирдах зөвлөлийн гишүүн, тэргүүлэгч/
- Л.Эрхэмбаяр /Удирдах зөвлөлийн гишүүн, тэргүүлэгч/
- Б.Болдбаатар /Удирдах зөвлөлийн гишүүн, тэргүүлэгч/
- Г.Энхбилэг /Удирдах зөвлөлийн гишүүн, тэргүүлэгч/
- Ц.Төгсөө /Удирдах зөвлөлийн гишүүн, тэргүүлэгч/
- Б.Мөнхзул /Удирдах зөвлөлийн гишүүн, тэргүүлэгч/
- А.Отгондарь /Удирдах зөвлөлийн гишүүн, тэргүүлэгч/ нар ажиллаж байна.
