“Хүнсний хангамж, аюулгүй байдал” үндэсний хөдөлгөөний хэрэгжилт, үр дүнтэй танилцах “Зөвлөлдөх уулзалт” Баян-Өлгий аймагт боллоо.
Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Хүнсний хангамж, аюулгүй байдал” үндэсний хөдөлгөөний үр дүнгийн талаар танилцуулж, орон нутгийн хүнсний үйлдвэрлэл эрхлэгчидтэй санал солилцлоо.
Уулзалтын үеэр “Хүнсний хувьсгал” мэргэжлийн холбооны Баян-Өлгий аймаг дахь салбар зөвлөлийн тэргүүнээр аймгийн “Арвай” ТНБ үйлдвэрийн захирал Ө.Сунхар сонгогдлоо.
Баян-Өлгий аймагт “Хүнсний хангамж, аюулгүй байдал” үндэсний хөдөлгөөний хүрээнд 2022-2025 онд нийт 11.9 тэрбум төгрөг, зөвхөн 2025 онд хүнсний салбарт үйлдвэрийг дэмжих чиглэлээр 7.8 тэрбум төгрөгийн хөнгөлөлттэй зээл олгогджээ.
Үүний үр дүнд 12 ажлын байр шинээр бий болж, экспортын баримжаатай 3 төрлийн бүтээгдэхүүнтэй болсон.
Баян-Өлгий аймагт мал нядалгааны үйлдвэр 7, махан махан бүтээгдэхүүний цех 19, сүү боловсруулах 3, зайрмагны 6, талх нарийн боовны 45, кремтэй бүтээгдэхүүний 18, цэвэр усны үйлдвэр 2 нийтдээ 100 хүнсний үйлдвэр цех үйл ажиллагаа явуулж байна. Цаашид хэрэгцээт төмсний 70, хүнсний ногооны 25 хувийг өөрсдөө хангахыг зорьж байна.
