2012 онд Хятадын Инженерийн Академийн академич Фан Жыюаниар ахлуулсан Хятад-Улаанцавын хүйтэн цаг агаарт хүнсний ногооны шинэ туршилтыг хөгжүүлэх төвийг байгуулжээ. Хүнсний ногооны шинэ сорт гарган авах, хүнсний ногоо тариалах технологийн дэвшилтийг нэвтрүүлэх, хүнсний ногооны хортон шавьжтай тэмцэх технологийг нэвтрүүлэх чиглэлд судлаачид анхаарч ажилласан байна.
Судалгааны чиглэл тус бүрдээ 20 гаруй ахмад мэргэжилтнээс бүрдсэн, долоон судалгааны баг байгуулж шинжлэх ухааны үндэслэлтэй, үр дүнтэй судалгаа хийж, үр дүнг гарган ажиллаж байгаагаа танилцууллаа.
Тус төвөөс Жүнган 628 сортын төмс үржүүлж, хойд бүс нутагт 70мянган га талбайд тариалах болжээ. Лууван, сонгины дээд зэргийн эрлийз сорт гарган авах ажил амжилттай хэрэгжиж, нийтээр тариалах шатандаа орсон гэдгийг танилцуулж байлаа.
Мөн судалгааны багийн эрдэмтэд хүйтэн, хуурай сэрүүн бүсэд богино хугацаанд органикаар ургах брокколи, байцаа, улаан лоолийн шинэ сортуудыг гарган авах ажлыг эхлүүлжээ. Судалгааны ажлын үр дүнд брокколи, улаан лоолийн үржүүлгийн салбарт томоохон дэвшил гарч, үе шаттайгаар үр дүнгээ өгч эхэлсэн байна.
Сүүлийн 10 жилийн хугацаанд олон төрлийн инновацийн ололт амжилт, шинэ технологиудыг Улаанцав хотод төдийгүй улс даяар өргөнөөр нэвтрүүлсэн гэдгийг судлаачдын төлөөлөл танилцууллаа. Хойд бүсийн хүйтэн цаг агаарт ургуулах хүнсний ногооны судалгааны ажлын үр дүнд олон амжилтад хүрч таван шинэ бүтээлийн патент авч, хоёр ном бүтээл хэвлүүлжээ.
“Хятадын хүнсний ногоо тариалалт”эмхэтгэлд бүтээлүүдээ хэвлүүлсэн байна.
Эх сурвалж: Mass
Heads up: while platforms like 333ok bit offer variety, vigilance is key. Always verify security protocols before trusting any login. For safer exploration, check out 333ok bit স্লট ডাউনলোড first. Stay sharp!