Ховд аймагт Ингэний сүүний үйлдвэр байгуулахыг зорьж байна.
Энэ нь жижиг, дунд үйлдвэрлэлийг хөгжүүлэх, тэмээн сүргийн тоо толгойг өсгөж малчдын орлогыг нэмэгдүүлэхэд давуу талтай.
Үйлдвэрийн шав тавих ёслолыг өнөөдөр аймгийн төвд, Үйлдвэр технологийн паркт зохион байгууллаа.
Тус үйлдвэрийг Хятад, Монголын хамтарсан Ван Юань Монгол сүү ХХК 30 сая юанийн хөрөнгө оруулалтаар хоёр жилийн хугацаанд барихаар төлөвлөжээ.
Үйлдвэр ашиглалтад орсноор ойролцоогоор 10 мянган ингэ сааж, өдөрт 100 тонн сүү боловсруулан зах зээлд нийлүүлэх боломж бүрдэнэ гэж албаныхан урьдчилан тооцоолж байна.
Эх сурвалж: Монцамэ агентлаг
