Монгол Улс, БНСУ-ын хамтын ажиллагааны хүрээнд “UANG TANG GUK” кофе, кимчиний фестивалийг Дундговь аймагт анх удаа энэ сарын 12-нд зохион байгууллаа.
Фестивалд 200 орчим хүн оролцож, солонгос кимчиний төрөл, онцлог, хийх арга болон кофены хэрэглээ, соёлын талаар танилцсан байна. Мөн Монголын уламжлалт хоол, хүнсийг танилцуулж, хоёр орны хоолны соёлын талаар мэдээлэл солилцжээ.
Фестивалийн нээлтэд аймгийн удирдлагууд оролцож, Монгол Улс, БНСУ-ын хамтын ажиллагааг орон нутагт өргөжүүлэх, иргэдийн харилцаа, соёлын солилцоог нэмэгдүүлэхийн ач холбогдлыг онцоллоо.
Мөн фестивалийг зохион байгуулагчдын төлөөлөл аймгийн Засаг даргатай уулзаж, цаашдын хамтын ажиллагааны талаар санал солилцсон байна.
Уулзалтаар соёлын солилцооны хөтөлбөрийг нэмэгдүүлэх, хүүхэд, залуусын оролцоог дэмжих, цаашид хамтарсан үйл ажиллагааг өргөжүүлэх талаар ярилцжээ.
Ийм фестивалийг цаашид тогтмол зохион байгуулснаар орон нутгийн иргэд бусад орны соёл, хоол хүнстэй танилцах боломж нэмэгдэнэ.
Мөн Дундговь аймгийн онцлог хоол, хүнсийг гадаадын зочид, жуулчдад танилцуулж, аялал жуулчлалыг хөгжүүлэхэд дэмжлэг болох юм.
“UANG TANG GUK” кофе, кимчиний фестиваль нь Монгол, Солонгосын иргэдийг хоол, хүнсний соёлоор холбож, хамтын ажиллагааг өргөжүүлэхэд чиглэв.
Эх сурвалж: Монцамэ агентлаг
