Парисын Эйфелийн цамхаг болон гол гол дурсгалт газруудын гэрэлтүүлгийг ердийнхөөс хэдэн цагийн өмнө унтрааж, цахилгаан эрчим хүчний үнийн өсөлтийг даван туулна гэж албаны хүмүүс 9 дүгээр сарын 13-ны мягмар гарагт мэдэгдэв.
Шөнийн 01:00 цаг хүртэл гэрэлтэж, цаг тутамд цагаан гэрлээр гялалздаг Эйфелийн цамхаг одооноос эхлэн сүүлийн үйлчлүүлэгч гарсны дараа
буюу 23:45 цагт гэрлээ унтраахаар болов. Харин аюулгүй байдлын үүднээс гудамжны гэрэлтүүлэг, Сена мөрөн дээрх гүүрнүүдийн гэрэлтүүлэг асаалттай байх болно гэж хотын дарга Анн Хидалго хэвлэлийн бага хурлын үеэр мэдэгдэв. “Эрчим хүчний хэмнэлт” төлөвлөгөө нь цахилгааны хэрэглээг 10 хувиар бууруулах зорилготой гэж Парис хотын дарга Анн Хидалго онцлов. Өнгөрсөн 8 дугаар сард Ерөнхийлөгч Э.Макрон Украины дайны улмаас эрчим
хүчний үнэ хурдтай нэмэгдэж байгаатай холбогдуулан үрэлгэн байдлаа зогсоож, хэмнэлтийн горимд шилжих шаардлагатай гэдгийг иргэддээ хандан анхааруулж байсан юм.
