Орхон аймгийн баялаг бүтээгч “Ранчо” компани Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөнд нэгдлээ.
Монгол Улсын Ерөнхийлөгч Ухнаагийн Хүрэлсүхийн санаачилгаар хэрэгжиж буй “Хүнсний хангамж, аюулгүй байдал” үндэсний хөдөлгөөний орон нутаг дахь хэрэгжилтийг эрчимжүүлэх, иргэдийн оролцоог идэвхжүүлэх зорилгоор Төвийн бүсийн аймгуудад тус хөдөлгөөний нээлтийн арга хэмжээг зохион байгуулж байна. Өнөөдрийн байдлаар Хөвсгөл, Булган, Орхон аймгуудад амжилттай хэрэгжиж эхэллээ.
Уг ажлын хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр болон холбогдох албаны хүмүүс тариаланчид, хүнс үйлдвэрлэгчид, малчид, баялаг бүтээгчидтэй уулзаж, санал хүсэлтийг сонсож байна.
Уулзалтын үеэр Орхон аймгийн баялаг бүтээгч “Ранчо” компани “Хүнсний хувьсгал”-нэгдэхээ илэрхийллээ.
Эрүүл мэндэд тустай үр тарианы ундааг Орхон аймгийн хэрэглэгчдэд түгээнэ
“Ранчо” компани нь “Эрдэнэс”, “iEco” цэвэр усаар орон нутгийн хэрэглэгчдэд эчнээ танил болсон Орхон аймгийн баялаг бүтээгч юм. 2020 оны нэгдүгээр сараас Олон улсын чанарын менежментийн тогтолцооны ISO 9001 стандартыг хэрэгжүүлж эхэлсэн 10 жилийн түүхтэй орон нутгийн үйлдвэрлэгч. Тус компани нь чанарын бодлогыг тодорхойлон гаргаж түүнийг хэрэгжүүлэн дэмжих зорилтуудыг дэвшүүлж, хэрэгжүүлэн ажиллаж байна. Орхон аймгийн хувьд цэвэр усны борлуулалт өндөр байдаг тул тус компанийн үйл ажиллагаа өргөжих бүрэн боломжтой юм.
“Хүнсний ангамж, аюулгүй байдал” үндэсний хөдөлгөөнд төрийн байгууллага, хувийн хэвшил, олон улсын байгууллага, хүнс үйлдвэрлэгчид, баялаг бүтээгчид нэгдэхээ илэрхийлсээр байна.