Улсын Их Хурлын Хүнсний хангамж, аюулгүй байдлын түр хорооны 2022 оны 11 дүгээр сарын 09-ний өдрийн хуралдаанаар Хүнсний хангамжийг нэмэгдүүлэх, чанар аюулгүй байдлыг хангах, хөдөө аж ахуйн үйлдвэрлэлийг дэмжих асуудлаар холбогдох хууль тогтоомжийн хэрэгжилтийг судалж, санал боловсруулах, дүнг нэгтгэн танилцуулах үүрэг бүхий 5 ажлын хэсэг байгуулсан. Мөн дээрх ажлын хэсгүүдэд мэргэжил, арга зүйн туслалцаа үзүүлэх үүрэг бүхий дэд ажлын хэсгийн бүрэлдэхүүнийг байгуулсан.
Өнөөдөр /2022.12.30/ Хууль, эрх зүйн орчныг сайжруулах болон санхүү төсвийн асуудлыг судалж, санал боловсруулах үүрэг бүхий дэд болон үндсэн ажлын хэсгээс гаргасан санал, дүгнэлт боловсруулах хуралдаан боллоо.
Хуралдааныг УИХ-ын гишүүн Ж.Бат-Эрдэнэ даргалав.
Дэд ажлын хэсгээс:
- Ерөнхийлөгчийн Эдийн засгийн бодлогын зөвлөх Б.Даваадалай ахалж,
- Ерөнхийлөгчийн Хот, хөдөөгийн хөгжлийн бодлогын зөвлөх О.Буяннэмэх,
- Үндэсний аюулгүй байдлын зөвлөлийн ажлын албаны хэлтсийн дарга Д.Энхмаа,
- ЕТГ-ын Хүнсний төсөл, хөтөлбөрийн албаны Хүнсний мэргэжилтэн А.Амаржаргал нарын бусад холбогдох албаны хүмүүс оролцлоо.
Дашрамд дурдахад Хууль, эрх зүйн орчныг сайжруулах болон санхүү төсвийн асуудлыг судалж, санал боловсруулах үүрэг бүхий Ажлын хэсэг өнгөрөгч өдрүүдэд Хүнсний үйлдвэрлэлийг нэмэгдүүлэх, чанар, аюулгүй байдлыг хангах, хөдөө аж ахуйн үйлдвэрлэлийг дэмжих асуудлаар 2 удаагийн хуралдаан, мөн Монгол банк арилжааны банкны төлөөллүүдтэй Хүнсний хангамж, аюулгүй байдлын чиглэлээр зөвлөлдөх уулзалтыг зохион байгуулсан юм.