Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Хүнсний хангамж, аюулгүй байдал” үндэсний хөдөлгөөний хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр /2023.03.09/ үндэсний үйлдвэрлэгч “Гэгээ фүүдс” ХХК-ийн “Амьд эрдэс” давс үйлдвэрлэлийн үйл ажиллагаатай танилцлаа.
Айлаас гал, давс гуйдаггүй гэх ардын үг бий. Өнгөрсөн хаврын чуулганы нээлт дээр Монгол Улсын Ерөнхийлөгч Ухнаагийн Хүрэлсүх хэлэхдээ “Давсаа хүртэл алийн болгон айлаас гуйж амьдрах вэ, хүнсээ дотооддоо бэлддэг болцгооё…” хэмээн уриалсан билээ.
Монгол улс жилдээ 15 тэрбум төгрөгийн давс хэрэглэдэг аж. 2021 оны эхний хагас жилийн байдлаар нийт хэрэглээнийхээ 24 хувийг импортоор авчээ. Импортын давсны 43.9 хувийн БНХАУ-аас авсан гэсэн судалгаа бий.
“Гэгээ фүүдс” ХХК-ийн хамт олон төрийн тэргүүний санаачилсан дотоодынхоо хэрэгцээг 100 хувь хангаж, цаашлаад импортоос хараат үйлдвэрлэгч орон болох зорилтын төлөөх “Хүнсний хувьсгал” хөдөлгөөнд нэгдэж, дотоодын давсны хэрэгцээний 20 хувийг хангадаг болох зорилготой. Мөн “Шимтэй Монгол хоол”, “Монгол” нэрийн борцтой хийцтэй цайг үйлдвэрлэн бэлэн хоолны зах зээлд өрсөлдөж байна.
