Монгол Улсын Ерөнхийлөгч “Хүнсний хангамж, аюулгүй байдал” үндэсний хөдөлгөөн аяныг орон даяар зарлаж аяны хүрээнд “Хүнсний хангамж, аюулгүй байдлыг хангах талаар авах зарим арга хэмжээний тухай” Монгол Улсын Их Хурлын 2022 оны 36 дугаар тогтоол батлагдсан.

Монгол Улсын Ерөнхийлөгчийн тамгын газар Засгийн газрын хэрэгжүүлэгч агентлаг Жижиг, дунд үйлдвэрийн газартай хамтран дээрх тогтоолын хэрэгжилтийн хүрээнд Жижиг, дунд үйлдвэр эрхлэгчдэд хамгийн их тулгардаг санхүүжилтийн асуудлыг хэрхэн шийдвэрлэх боломжийн талаар мэдээлэл өгөх зорилгоор “Хүнсний хангамж, Аюулгүй Байдал ба жижиг дунд үйлдвэр эрхлэгчид” хэлэлцүүлэг зохион байгууллаа.

Арга хэмжээнд:

• Монгол Улсын Ерөнхийлөгчийн Үйлдвэр, үйлчилгээний бодлогын зөөвлөх Ч.Даваабаяр,
• Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай,
• Жижиг, дунд үйлдвэрлэлийг дэмжих газрын дарга Я.Эрдэнэсайхан,
• ЕТГ-ын Хүнсний төсөл, хөтөлбөр хариуцсан албаны рефрент А.Амаржаргал,
• ХХААХҮЯ-ны Салбарын эдийн засгийн судалгаа, дүн шинжилгээ хариуцсан ахлах мэргэжилтэн Ц.Амгалан,
• Жижиг, дунд үйлдвэрлэлийг дэмжих газрын Зээл, төслийн хэлтсийн дарга Н.Энхтөр,
• Европийн сэргээн босголт хөгжлийн банкны төслийн менежер зөвлөх С.Байгалмаа,
• JICA-ийн “Жижиг, дунд үйлдвэрлэлийг дэмжих, байгаль орчныг хамгаалах II үе шаттай төсөл”-ийн хуульч Г.Ариунбаяр,
• “Хөгжлийн Шийдэл” ТББ П.Амармэнд болон хүнс үйлдвэрлэгч үйлдвэр, үйлчилгээ эрхлэгчид, мэргэжлийн холбоодын 200 гаруй төлөөлөл оролцлоо.

Хэлэлцүүлэг өнөөдөр /2023.04.28/ Блю Скай зочид буудалд зохион байгуулагдлаа.

Монгол Улсын Ерөнхийлөгчийн тамгын газар, ХХААХҮЯ, ЖДҮГ, ЕСБХБ, “Хөгжлийн Шийдэл” ТББ-н BEST хөтөлбөр, Зээлийн батлан даалтын сан зэрэг байгууллагын төлөөлөл хэрэгжүүлж буй бодлогын арга хэмжээ, хэрхэн хамрагдах талаар дотоодын үйлдвэрлэгч, аж ахуй нэгжүүдийн төлөөлөлд мэдээлэл өгөв. Сургалт, хэлэлцүүлэгт оролцогчдын зүгээс сонирхсон асуултдаа хариулт авлаа.