Монголын Үндэсний Олон Нийтийн Радио Телевиз төрийн тэргүүний санаачилсан “Хүнсний хувьсгал” үндэсний хөдөлгөөнийг бүрэн дэмжин ажиллаж байна.
МҮОНРТВ өөрсдийн санаачилгаар “Хүнсний хувьсгал” үндэсний хөдөлгөөний хүрээнд хэрэгжүүлэх төсөл боловсруулж, төслийн танилцуулгыг /2023.05.01/ Монгол Улсын Ерөнхийлөгчийн тамгын газарт танилцуулсан.
Өнөөдөр /2023.05.02/ МҮОНРТ-ийн захирал А.Бүрэнбаатар тэргүүтэй албаны хүмүүс төслийн үйл ажиллагааны төлөвлөгөөг Монголбанк, арилжааны банкуудад танилцууллаа.
Уулзалтад:
- Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр,
- Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай,
- Монголбанкны тэргүүн дэд Ерөнхийлөгч Г.Дөлгөөн,
- ХХААХҮЯ-ны Бодлого, төлөвлөлтийн газрын дарга Ц.Болорчулуун,
- Монголбанкны Мөнгөний бодлогын газрын захирал Б.Баярдаваа,
- ХХААХҮЯ-ны Бодлого төлөвлөлтийн газрын ахлах мэргэжилтэн Ц.Амгалан
МҮОНР-ийг төлөөлөн:
- МҮОНРТ-ийн захирал А.Бүрэнбаатар
- МҮОНТ-ийн захирал Ж.Баярбаатар,
- МҮОНРТ-ийн Программын албаны дарга Д.Ганчимэг,
- МҮОНРТ-ийн Ерөнхий найруулагч Ц.Ганхүү, Д.Мөнхшүр нар оролцлоо.
Банкуудыг төлөөлөн:
- Монголын Банкны холбооны Маркетингийн мэргэжлийн зөвлөлийн дарга Ш.Орхонбаатар,
- Голомт банкны Олон нийттэй харилцах хэлтсийн захирал Б.Зориг,
- Хасбанкны Маркетингийн хэлтсийн захирал Х.Энхжавхлан,
- Төрийн банкны Маркетинг, Олон нийттэй харилцах газрын захирал Б.Содонбаатар,
- М банкны Маркетингийн хэлтсийн захирал Г.Энхмандах,
- Капитрон банкны Бизнес хөгжлийн газрын захирал Б.Энхбаясгалан,
- Монголын Банкны холбооны Олон нийт, хамтын ажиллагаа хариуцсан менежер Т.Сарангуа,
- Хаанбанк Маркетинг, Олон нийттэй харилцах газрын Ахлах мэргэжилтэн Г.Оюунгэрэл,
- Худалдаа хөгжлийн банкны Маркетингийн менежер М.Бат-Оргил
- Төрийн банкны Сурталчилгаа, идэвхжүүлэлтийн албаны менежер А.Ганбаатар,
- Тээвэр хөгжлийн банкны Маркетингийн хэлтсийн менежер Б.Насанцацрал,
- Ариг банкны Маркетингийн менежер Б.Нямбаяр нар оролцлоо.
Засгийн газрын 2023 оны 63 дугаар тогтоолоор хүнсний болон хөдөө аж ахуйн үйлдвэрлэлийг дэмжих зээлийг арилжааны банкны эх үүсвэрээр санхүүжүүлэн, Засгийн газраас хариуцан төлөх хүүгийн хэмжээг 13 хувь байхаар шийдвэрлэсэн. Хүнсний боловсруулах болон сав баглаа боодлын үйлдвэрлэл эрхлэгчид, хөдөө аж ахуйн үйлдвэрлэл эрхлэгч иргэн, аж ахуй нэгж, хоршоодод эргэлтийн хөрөнгийн, хөрөнгө оруулалтын зээлийг 5-6 хувийн хүүтэйгээр, арилжааны 10 банкаар дамжуулан олгох бөгөөд Хүнс, хөдөө аж ахуй, хөнгөн үйлдвэрийн сайдын багцын 2023 оны төсөвт хүүгийн хөнгөлөлтөд 135.5 тэрбум төгрөгийг тусгасан. Нийт 982.0 тэрбум төгрөгийн зээлийг олгох юм.
Энэ хүрээнд МҮОНРТ-ээс хөнгөлөлттэй зээлийн төсөл сонгон шалгаруулалтыг олон нийтэд нээлттэй шилэн байлгаж, өрсөлдөөнийг шударга явагдаж байгааг харуулах төсөл боловсруулсан байна. Уг төсөл нь хэрэгжвэл зээл олголт бодитоор явагдаж байгааг харуулах, аж ахуй нэгжийн бодит төсөл, үндэслэл зэргийг хамт харах, Монголд хүнсний үйлдвэрлэл, аюулгүй байдлыг хангах талаар үнэн зөв мэдээлэл авах зэрэг ач холбогдолтой гэж төсөл санаачлагч үзэж байна.
