Шанхай Хотын “Ши Шян И Шин” AI цахим худалдааны ХХК нь хиймэл оюун ухааны технологиор дамжуулан Хятад хоолны үйлдвэрлэлийг стандартын дагуу хийдэг компани юм.
Уг компани хоол хийх автомат системийг Хятадын уламжлалт хоол хүнс хийх аргатай хослуулсан бөгөөд хоолны жороо Шишянгийн дата мэдээллийн платформд оруулж, зууш орц бэлтгэх, хутгах, чанах, шарах зэрэг хоол хийх бүх үйл явцыг хийх боломжтой робот тогооч машинуудыг бүтээжээ. Уг робот машин 3-5 минутын дотор хоол хийдэг. Мөн тогтсон хэдэн нэр төрлийн хоол хийх биш өгөгдсөн дата мэдээллийн дагуу олон төрлийн хоол бэлтгэх боломжтой бөгөөд нэг төрлийн хоолыг өөр өөр амтаар ч хийх чадамжтай аж.
“Ши Шян И Шин” AI цахим худалдааны ХХК нь 2013 онд үүсгэн байгуулагдсан бөгөөд одоогийн байдлаар дөрвөн дижитал өглөөний цайны газар ажиллуулаад байна. 2021 онд Хунчао гудамжний дэмжлэгтэйгээр уг дүүрэгт AI зоогийн газрыг ашиглалтад оруулжээ. Үүнээс гадна автомат хоолны машиныг гудамжуудад байрлуулж, иргэд зөвхөн идэх хоолоо сонгож, төлбөр тооцоогоо хийснээр робот машин таны сонгосон гүн хөлдөөсөн шинэ хоолыг шууд халаан идэхэд бэлэн болгож үйлчилдэг байна. Мөн робот машиныг хоол үйлдвэрлэлийн салбарт нэвтрүүлснээр хүнсний аюулгүй, эрүүл ахуйн стандарт, үйлчилгээний стандарт шат ахисан явдал гэж үзэж байгаа ажээ.
