“Түмэн шувуут” ХК үүсгэн байгуулагдсаны 20 жилийн ойн арга хэмжээ зохион байгуулагдлаа. Аз жаргалыг үйлдвэрлэгч ”Түмэн шувуут” ХК нь анх 2004 онд үйл ажиллагаагаа эхэлж, Монгол Улсын дотоодын өндөгний үйлдвэрлэлийн 30 гаруй хувийг бэлтгэн нийлүүлж байна. Өнгөрсөн 20 жилийн хугацаанд “Түмэн шувуут” ХК нь 1 тэрбум өндөг үйлдвэрлэж дотоодын зах зээлд нийлүүлжээ. Тэд Шувууны аж ахуйхаа хэрэгцээг шаардлагыг хангах үүднээс 100 хувь Монгол Улсын хөрөнгө оруулалттайгаар өндөгний үүрний үйлдвэрлэл болон малын тэжээлийн үйлдвэрлэлийг эрхлэн үйл ажиллагаагаа улам өргөжүүлэн, эрүүл экологийн бүтээгдэхүүнээр амьдралын чанарыг дээшлүүлэхээр зорин ажиллаж байна.
Шувууны аж ахуй нь хуучнаар Шувуун фабрикт байрлан нийт 18 га газар эзэмшин 13000м2 талбай бүхий үйлдвэрийн барилга байгууламжтай ба нийт 350 000 өндөглөгч тахиатай, нэг ээлжиндээ 80 000 толгой дэгдээхэй бойжуулах, 153 600 ширхэг өндөг дарах хүчин чадал бүхий инкубаторын цехтэй,өдөрт 200 000 ширхэг өндөг үйлдвэрлэн худалдан борлуулдаг бөгөөд орчин үеийн техник технологийг нэвтрүүлсэн бүрэн автомажсан тоног төхөөрөмжтэй үйлдвэр юм.
