Генийн өөрчлөлттэй хүнсний бүтээгдэхүүн (GMO – Genetically modified organism) гэдэг нь генийн инженерчлэлийн аргаар байгалиас ургасан хүнсний ургамлаас дутахааргүй шимт ургамал тариалж түүгээр хийсэн хүнсний бүтээгдэхүүнийг генетикийн өөрчлөлттэй бүтээгдэхүүн гэнэ.
Ийм бүтээгдэхүүн хэрэглэснээр хүний ходоодны салст гэмтэж, нянгийн эсрэг бэлдмэлд тэсвэртэй гэдэсний бичил бүтэц бий болгох аюултай. Бас нэг хор хөнөөл нь дархлааг сулруулах (хүний биеийн дархлааны 70 хувь нь өлөн гэдсэнд байдаг аж), бодисын солилцоог устгах аюултай.
Генийн өөрчлөлттэй бүтээгдэхүүнүүд хорт хавдар үүсгэж болзошгүй. Хоол хүнсээр дамжин хүний биед орж ирсэн генийн өөрчлөлттэй бүтээгдэхүүнүүд хоол боловсруулах эрхтнээр дамжин цусанд шингэж хорт хавдар үүсгэх аюултай гэж судлаачид анхааруулж байгаа юм.
Хувиргасан амьд организмыг гарган авах шалтгаан:
– Дэлхийн хүн амын хурдтай өсөлт
– Өдөр тутам нэмэгдэж буй хүнсний хэрэгцээ
– Байгалийн баялгийн нөөцийн хомсдол
– Шинжлэх ухаан, технологийн ололтыг үйлдвэрлэл, практикт эрчимтэй ашиглах шаардлага дэлхий дахинд гарсан
Эрдэмтэд амьтдыг генийн өөрчлөлттэй хүнсээр хооллон судалгаа явуулжээ. Судалгааны үр дүнд ийм бүтээгдэхүүнээр хооллосон амьтдын дархлааны систем суларч, эрүүл үр төл гаргах чадваргүй болсон байсан гэнэ. Ийм бүтээгдэхүүнүүд савлагаа болон амтны хувьд ямар нэгэн онцлох шинж тэмдэг агуулдаггүй нь аюул дагуулж байгаа юм.
Генийн өөрчлөлттэй бүтээгдэхүүн орчин үеийн хамгийн аюултай биологийн зэвсэг бөгөөд улс орны хүнсний аюулгүй байдлыг алдагдуулж, хүн амын өсөлт хөгжилтийг сааруулдаг байна.
