ХХААХҮЯАМ-аас 2026 оны 02/2032 тоот албан бичгээр ирүүсэн тариалалтын чанарыг соёололтоор шалгаж хүлээн авах удирдамжийн дагуу Өлзийт, Хужирт, Хархорин сумдад ажиллалаа.
Ажлын хүрээнд үр тариа, улаанбуудайн соёололтыг тооцож ажиллав. Тариалалтыг 5-р сарын 3-аас 26-ны хооронд хийсэн бөгөөд тарилтын үеийн хөрсний температур, цаг агаарын нөхцөл байдлаас хамааран соёололтын байдал жигд бус харилцан адилгүй байна.
Мөн газар тариалан эрхэлдэг сумдын тариалалтын явцтай газар дээр нь танилцаж, тариаланчдад мэргэжил арга зүйн зөвлөгөө, мэдээлэл өгч ажиллав.
Энэ онд аймгийн хэмжээнд нийт 18500 га талбайд тариалалт хийх зорилт дэвшүүлснээс 2026 оны 06 дугаар сарын 22-ны өдрийн байдлаар 12938 га талбайд тариалалт хийж 69.9 хувьтай байна. Үүнд улаан буудай 6210 га талбайд тариалалт хийж 100 хувь, бусад үр тариа 107 га талбайд тариалалт хийж 7.3 хувь, төмс 333.5 га талбайд тариалалт хийж 79.7 хувь, хүнсний ногоо 236.4 га талбайд тариалалт хийж 78.1 хувь, жимс жимсгэнэ 0.3 га, малын тэжээл 4471 га талбайд тариалалт хийж 49.1 хувь, тосны ургамал 1580 га талбайд тариалалт хийж 100 хувьтай тус тус тариалалт хийсэн байна.
Эх сурвалж: Өвөрхангай аймгийн Хүнс, хөдөө аж ахуйн газар
