Ерөнхийлөгчийн тамгын газрын Хүнсний төсөл, хөтөлбөр хариуцсан албаны ажлын алба Улсын Их Хурлын Байгаль орчин, хүнс, хөдөө аж ахуйн байнгын хорооны дарга Б.Саранчимэгтэй уулзаж “Хүнсний хангамж, аюулгүй байдлыг хангах талаар авах арга хэмжээний тухай” 36-р тогтоолыг хэрэгжүүлэх арга хэмжээг танилцууллаа.
Тус уулзалтад Улсын Их Хурлын Байгаль орчин, хүнс, хөдөө аж ахуйн байнгын хороог төлөөлөн:
- Улсын Их Хурлын Байгаль орчин, хүнс, хөдөө аж ахуйн байнгын хорооны дарга Б.Саранчимэг
- Улсын Их Хурлын Байгаль орчин, хүнс, хөдөө аж ахуйн байнгын хорооны асуудал хариуцсан Ахлах зөвлөх Н.Наранцогт
- Улсын Их Хурлын Байгаль орчин, хүнс, хөдөө аж ахуйн байнгын хорооны референт С.Дунжидмаа
- Улсын Их Хурлын Байгаль орчин, хүнс, хөдөө аж ахуйн байнгын хорооны Нарийн бичгийн дарга А.Амарсайхан
“Хүнсний хангамж, аюулгүй байдал” үндэсний хөдөлгөөний ажлын хэсгийг төлөөлөн:
- Монгол Улсын Ерөнхийлөгчийн үйлдвэр үйлчилгээний бодлогын зөвлөх Ч.Даваабаяр
- Хүнсний төсөл, хөтөлбөр хариуцсан албаны Ахлах референт Д.Цэвээндорж
- Хүнсний төсөл, хөтөлбөр хариуцсан албаны референт О.Дамдиндулам
- Хүнсний төсөл, хөтөлбөр хариуцсан албаны Гадаад харилцааны мэргэжилтэн Р.Будмаа
- Хүнсний төсөл, хөтөлбөр хариуцсан албаны Хэвлэлийн ажилтан Б.Урантуяа нар оролцлоо.
“Хүнсний хангамж, аюулгүй байдал” үндэсний хөдөлгөөний хүрээнд хуулийн төсөл батлуулахаар Улсын Их Хуралд өргөн барих бөгөөд үүнд Улсын Их Хурлын Байгаль орчин, хүнс, хөдөө аж ахуйн байнгын хороо чухал үүрэг гүйцэтгэнэ. Аливаа ажил хэрэг амжилттай хэрэгжихэд хууль эрх зүйн орчин бүрдэх нь чухал тул үүнд онцгой анхаарах шаардлагатайг уулзалтын үеэр онцоллоо.
Мөн хүнс гэвэл хөрс, байгаль орчны асуудал зайлшгүй яригдана. Иймд “Хүнсний хангамж, аюулгүй байдал” үндэсний хөдөлгөөнийг дэмжиж, уялдаа холбоотой хамтран ажиллахаа Улсын Их Хурлын Байгаль орчин, хүнс, хөдөө аж ахуйн байнгын хорооны дарга Б.Саранчимэг илэрхийллээ.
