Хоол хүнс үсний ургалтанд хэрхэн нөлөөлдөг вэ?
Үсээ арчилж, эрүүл үстэй байх нь зөвхөн шампунь, ангижруулагч, хэлбэржүүлэгч бүтээгдэхүүн хэрэглэхээс илүү зүйл шаарддаг. Таны биеийн бусад эд, эсийн нэгэн адил үс нь таны биеийн эрүүл мэндтэй шууд холбоотой бөгөөд идэж буй хоол хүнс, амьдралын хэв маягаас ихээхэн хамаардаг. Ялангуяа хоол хүнс нь үсний ургалтыг дэмжиж, үс болон хуйхны эрүүл байдлыг хадгалах гол хүчин зүйл болдог. Идэж буй хоол хүнс үсэнд шууд нөлөөлдөг ба шим тэжээлийн зохистой тэнцвэр алдагдвал үс өнгөө алдаж, нарийхан, хэврэг болох болно. Эрүүл үстэй болоход нөлөөлдөг гол хоол хүнс нь биотин, төмөр, цайр, А витамин зэрэг чухал амин дэм, эрдэс бодис агуулсан байдаг.
Үсний ургалтанд хамгийн их нөлөөлдөг хоол хүнс
Салмон /Хулд загас/
Салмон нь эрүүл өөх тос, омега-3 тосны хүчлээр дүүрэн байдаг. Эдгээр тосны хүчлүүд нь үсний уутанцар орчмын тосны булчирхайг тэжээж, үсийг гэрэлтсэн, гялалзсан болгодог. Омега-3-аар баялаг хоол хүнс идэх нь маш чухал ба учир нь хүний бие өөрөө эдгээр эрүүл өөх тосыг ялгаруулж чаддаггүй тул зөвхөн хоол хүнс эсвэл нэмэлт тэжээлээс авах боломжтой гэсэн үг юм. Омега-3 дутагдвал үс гундаж, гялалзахаа болидог. Омега-3-аар баялаг бусад загасанд сардин, амтат загас, сагамхай орно.
Нэрс
Нэрс нь С витамины байгалийн эх үүсвэр бөгөөд антиоксидантаар баялаг юм. Антиоксидантууд нь хуйхыг хамгаалахад тусалдаг бол С витамин нь эсийг хамгаалах, арьсыг эрүүл байлгах, коллагены нийлэгжилтийг сайжруулахад чухал үүрэгтэй бөгөөд үсний голыг тэжээдэг хялгасан судсыг бэхжүүлдэг. Хэрвээ таньд нэрсний амт таалагддаггүй бол С витаминаар баялаг гуава, киви жимс, папайяа, гүзээлзгэнэ, амтат төмс идэж болно.
Бууцай
Бууцай нь төмөр, фолийн хүчил, А, С витамин, бета каротинаар баялаг тул үсний ургалтанд хүчтэй нөлөөлдөг хүнс юм. Төмрийн хэвийн хэмжээ нь үсний ургалтыг дэмжиж, хэврэгшиж сулрахаас сэргийлдэг. Хэрэв төмөр дутагдвал биеийн эрүүл мэнд үсний ургалтанд нөлөөлж, ургах чадваргүй болно. Нэг ширхэг буудай тутамд 6 мг төмөр агуулагддаг бөгөөд бууцай идэх нь төмрийн түвшинг нэмэгдүүлэх, үсний ургалтыг дэмжих маш сайн арга юм. Төмрөөр баялаг бусад хүнсний ногоонд байцаа, цэцэгт байцаа, сэвэг зарам ордог.
Авокадо
Авокадо нь В, С, Е, К витаминууд, бета-каротин, омега-3 тосны хүчил, эслэг, кали, магни, фолийн хүчил зэрэг хорь гаруй төрлийн витамин, эрдэс бодисын маш сайн эх үүсвэр юм. Авокадо идэх нь гялалзсан, тэжээллэг үстэй болох хялбар арга бөгөөд үсний ургалтанд хамгийн сайн хоол хүнс болдог.
Хулуу
Хулуу нь лууван, амтат төмстэй адилхан А витамины маш сайн эх үүсвэр болдог. Бидний хуйх, арьсны зарим булчирхайгаар тос ялгарч тэрхүү тос нь арьс, хуйх, үс, биеийг хуурайшихаас сэргийлдэг. Гэвч хэт их өөх тос нь үсийг тослогжиход хүргэж улмаар А аминдэм дутагдсанаас болж үс хуурайшиж өнгөө алддаг.
