Өрөмний шар, айрагны шар гэж 2 янзын шар тос бий. 7 гаригийн эхний өдөр дөнгөж хайлсан хайлмагны шар тос нэг халбагыг хэлний доод хөх судсанд шингээн хүртэж байвал хоолойн өвчин бамбай тархи зүрхний хий тэнцвэрждэг.
Баасан гаригийн орой унтахын өмнө бараан даавуунд шингээсэн халуун бүлээн шар тосоор 2 нүд 2 чамархайн судсан дээр 3 удаа жин тавина. Аваад хөнгөн зөөлөн илээд гарын хуруугаар хөнгөн товшоод өгнө. Ингэснээр 2 өдрийн дараа нүд тархи мэдрэхүй амарч судасны нарийсал нүдний даралт бууж хараа сайжирна. Монголчууд бид аливаа зүйлийг хэрэглэхдээ тунг нь тааруулдаггүй. Сайн гэж дуулвал хэмжээг нь ихдүүлж хэрэглэдэг.
Хүүхдийг багаас нь 7 хоног тутамд ядаж нэг удаа хумсын толион чинээ шар тос хэлний хөх судалд нь шингээлгэж сургаарай. Ингэснээр дархлаа сайжирхаас гадна хоолойн булчирхайн маш гайхамшигтай юугаар ч орлуулшгүй эрдэс тэжээл болдог.
Мөрнөөс 2 хөхний голоор дамжин сугаруу эргүүлэн халуун бүлээн шар тосоор иллэг хийж тунгалгийн булчирхайг сэрээж судлын зангираагаа тайлж зүрх судас хөхний хавдраас сэргийлээрэй. Маш сайн үр дүнтэй. Энэ тойрог эргэлт хөндий цээжний усан эргэлт тунгалгийн судал амьсгалын олон зангилааг тайлна. Дурдвал маш олон зүйл бий.
Эрчүүдийн ар ууцанд онцгой анхаараарай. Ахар сүүлнээс нар зөв наймын тоо үүсгэх мэт сүүж ороосон эргэлтээр халуун бүлээн шар тосоор илж өгөөрэй. Ингэснээр түрүү булчирхайн элдэв өвчин илааршина. Бас давсагаас цавь гуяны дээд бүдүүн булчинлуу уруудуулж иллэг хийж өгөөрэй. Шээсний суваг болоод гуя хасны эргэлтийн хүйтэн хий арилна. Даарахгүй хүйтэн хоол унд хэрэглэхгүй гам бариарай.
Бүлээн шар тос шингээсэн бор хөвөнгөөр ядаж 7 хоногт 1-3 удаа чихээ бөглөөрэй. Хий хуйнд маш сайн. Чихний ард тэнцвэрийн булчирхай байрладаг. Хүйтэн хий хурахаараа бие таллан хөрдөг ядардаг тамирддаг.
Паркетан шалнаас үүдэлтэй хөлийн ул янгинан даардаг хүмүүс хонины нэхийгээр улавч эсвэл оймс хийгээд өмсөөрэй. Унтахын өмнө бараан өнгийн даавуунд шингээсэн бүлээн шар тос хөлний нуманд байрлуулан ороогоод унтаарай . Хөлний улны нуманд бүх мэдрэлийн цэг, дархлааны цэг, 5 цул эрхтний цэг байдгийг хүн бүхэн мэднэ дээ. Тэр бүхэнд нэмэр тустай.
