Нийгмийн эрүүл мэндийн үндэсний төвөөс дараах найман зөвлөмжийг гаргажээ.
Үүнд:
1. Ханиад томуу нь амьсгалын замаар түргэн халдварлах магадлал өндөр байдаг.
2. Хоол идэхийн өмнө гараа сайтар угааж, спиртэн суурьтай гар ариутгагчийг түлхүү хэрэглээрэй.
3. Зууш, салат бэлтгэхийн өмнө гараа сайтар угаах, махны модон дээрээ зууш, салат бэлтгэхээс зайлсхийх,
4. Тасалгааны хэмд ходоод гэдэсний хямрал, хоолны хордлого үүсгэдэг 1 ширхэг бичил биет 20 минут тутамд 2 болж хуваагддаг байна. Тэгвэл энэ нь 4 цагт 4096 ширхэг, 8 цагт 17 сая, 12 цагт 68 тэрбум болж үржинэ гэсэн үг. Иймээс салат, зууш, хоолыг бэлэн болгосноос хойш тасалгааны хэмд 2 цагаас илүү хугацаанд хадгалахаас зайлсхийж, заавал хөргөгчинд хадгалаарай.
5. Даралт ихсэхээс сэргийлээрэй. Хэрвээ тогтмол эм уудаг бол эмээ цагт нь ууж, архи согтууруулах ундаа хэтрүүлэн хэрэглэхээс татгалзана уу.
6. Ханиаж, найтаахдаа нэг удаагийн салфетка хэрэглэх, эсвэл шууны дотор тал руу ханиаж хэвшээрэй.
7. Урьдчилан сэргийлэх зорилгоор хүүхдийн хамар, хоолой, залгиурыг сода, царвангийн уусмалаар зайлаарай.
Хордлогын үед илрэх шинж тэмдэг:
- Суулгах,
- Дотор муухайрах,
- Бөөлжих,
- Гэдэс базлах,
- Халуурах толгой өвдөх,
- Ядрах,
- Өтгөн цус, цусны судал, залхагтай гарах,
- Ам цангах, гар хөл , үе мөчөөр өвдөх гэх мэт шинж тэмдэг тус тус илэрдэг аж.
Хоолны хордлогын үед илрэх шинж тэмдэг, хордлогыг үүсгэж буй нянгын төрөл зүйл, бохирдлын хэмжээнээс хамааран харилцан адилгүй байдаг. Хэрэв хордлогын шинж тэмдэг илэрсэн тохиолдолд эмч,эмнэлгийн байгууллагад яаралтай хандахыг зөвлөж байна.
