Хүнс, хөдөө аж ахуйн салбарын мэргэжлийн холбоодын нэгдэл “Хүнсний хувьсгал” ТББ-ын гишүүн байгууллагуудын төлөөллийг төрийн ордонтой танилцууллаа. Тус үйл ажиллагаанд “Газар шим” ХК, “Түмэн шувуут” ХК болон “МИМО” эрдэс премиксийн ажилтан, албан хаагчид хамрагдсан юм. Тэд Төрийн есөн хөлт цагаан туганд хүндэтгэл үзүүлж, Улсын Их Хурлын чуулганы нэгдсэн хуралдааны танхим болон Төрийн түүхийн музейг үзэж сонирхлоо.
Монголын анхны ногооны консервын үйлдвэрийг байгуулж өдгөө 25 жилийн ой тохиож буй “Газар шим” ХК-ийн хамт олон болон салбар гишүүдэд ажлын амжилт хүсье!
“МИМО” эрдэс премиксийн хамт олон 9 нэр төрлийн эрдэс премикс дээрээ Органик баталгаажуулалтаа хийлгэж шилжилтийн үеийн гэрчилгээгээ амжилттай авсанд “Хүнсний хувьсгал” ТББ-ын нийт гишүүдийн нэрийн өмнөөс баяр хүргэе!
Монгол Улсын дотоодын өндөгний үйлдвэрлэлийн 30 гаруй хувийг бэлтгэн нийлүүлж буй үндэсний шилдэг үйлдвэрлэгч “Түмэн шувуут” ХК-ийн хамт олон болон салбар гишүүдэд 20 жилийн баярын мэнд хүргэе!