Боловсролын ерөнхий газрын ажлын баг Говь-Алтай аймагт ажиллаж, тус аймгийн Боловсролын газрынхантай уулзаж байна.
Уулзалтын үеэр аймгийн Боловсролын газрын үйл ажиллагаа, 2024-2025 оны хичээлийн жилийн явцын талаар мэдээллийг газрын дарга Д.Энхцэцэг танилцуулсан юм.
Говь-Алтай аймгийн Боловсролын газраас 2024-2025 оны хичээлийн жилийн ажлаа дараах 4 багц үйл ажиллагаанд хуваан төлөвлөжээ. Тодруулбал,
-Хүүхдийн эрх, эрүүл мэнд, хөгжил хамгаалал
-Хүний хөгжил, байгууллагын соёл
-Багшийн хамтын ажиллагаа, мэргэжлийн хөгжлийн бүлэг
-Боловсролын түншлэл, хөгжлийн гарц шийдлийн талаар ажлаа талөвлөсөн байна. Тэд энэ хүрээндээ яам, орон нутгийн бодлого зорилттой уялдуулж, энэ хичээлийн жилд боловсролын салбартаа 12 зорилтыг дэвшүүлжээ. “Би монгол хүн”, “Чадварлаг багш”, “Боловсролын чанарыг сайжруулах”, “Багшийг орон сууцжуулах”, “Өдөр бүр сүү” зэрэг хөтөлбөрийг хэрэгжүүлж байна.
Мөн түүнчлэн багш нараа урамшуулах, дэмжихэд өнгөрсөн онд гурван тэрбум төгрөгийг төсөвлөж зарцуулжээ.
Цэцэрлэг, сургуулийн хүүхэд нэг бүрд өдөр бүр 200 грамм сүү өгнө. Өмнөх жилүүдэд 2-3 сум “Сүү” хөтөлбөрийг хэрэгжүүлж байсан туршлага бий гэдгийг ч онцолж байлаа.
Боловсролын түншлэл-Хөгжлийн гарц үйл ажиллагааг хэрэгжүүлж, боловсролын салбарт түншлэгч нарыг нэмэгдүүлэх, эцэг эх, асран хамгаалагчдын дэмжлэг оролцоог нэмэгдүүлэх зорилготой. Шинэ эгэл бүхэл арга зүй сургалтын арга зүйг түгээн дэлгэрүүлэх зорилгоор “Эгэл Алтай” хөтөлбөр боловсруулан батлуулж, МУИС-ийн Физик, шинжлэх ухааны тэнхимтэй хамтран сургалт, үйл ажиллагаагаа эхлүүлсэн байна.
2024 онд боловсролын инновац үйл ажиллагаа, Багш эрдэнэ 1000 багшийн чуулган, Сайн хичээл үйл ажиллагаа, Гурван үеийн багш нарын уулзалт зөвлөгөөн, Шүд олимпиад, “Сургуулийн музей” арга хэмжээ, Дэлхийн сансрын 7 хоног, “Ажил мэргэжлийн чиг баримжаа-Хичээл сонголт” зэрэг орон нутгийн онцлогтой ажлуудыг төлөвлөн хэрэгжүүлжээ.
Эх сурвалж: https://montsame.mn/mn/